സംഭാഷണങ്ങളൊന്നുമില്ലാതെ ഒരുക്കിയ 17 മിനിറ്റ് ദൈര്‍ഘ്യമുള്ള ‘വണ്‍ നൈറ്റ്‌സ് ലവേഴ്സ്’ എന്ന ഹ്രസ്വ ചിത്രം ശ്രദ്ധനേടുന്നു. വ്യത്യസ്തമായ അവതരണവും അഭിനയമികവും അതിന് ഒത്തു ചേര്‍ന്നു നില്‍ക്കുന്ന പശ്ചാത്തല സംഗീതവും രസകരമായ പ്രമേയവുമാണ് ഈ ചിത്രത്തെ വേറിട്ട് നിര്‍ത്തുന്നത്. ഭാര്യഭര്‍ത്താക്കന്മാരുടെ അവിഹതമാണ് ഹ്രസ്വ ചിത്രത്തിന് ആധാരം.
ചിത്രത്തിന്റെ കഥയും, സംവിധാനവും, ചിത്രസംയോജനവും നിര്‍വഹിച്ചിരിക്കുന്നത് രജിത് കുമാറാണ്. ആശയം അരവിന്ദ് എ ആര്. ഗായത്രി സുരേഷ്, സോണിയ ഗിരി, പി മണികണ്ഠന്‍, അരവിന്ദ് എ ആര്, പോള്‍ ഡി ജോസഫ്, ആതിര പട്ടേല്‍, സ്വേജോ ജോണ്‍സണ്‍, വിവേക് ഇ എന്നിവരാണ് ചിത്രത്തില്‍ അഭിനയിച്ചിരിക്കുന്നത്. ഛായാഗ്രഹണം ചിന്നു കുരുവിള. ഗായത്രി സുരേഷ് പശ്ചാത്തല സംഗീതം ഒരുക്കിയിരിക്കുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
