മുംബൈ: ലഹരി റാക്കറ്റുമായി ബന്ധമുണ്ടെന്ന് ആരോപണം ഉയര്ന്നതിന് പിന്നാലെ നടി റിയ ചക്രബര്ത്തിയുടെ വീട്ടില് റെയ്ഡ്. ഇന്ന് പുലര്ച്ചയോടെ നാര്കോട്ടിക്സ് കണ്ട്രോള് ബ്യൂറോ (എന്സിബി) ആണ് താരത്തിന്റെ മുംബൈയിലെ വസതിയില് റെയ്ഡ് നടത്തിയത്. കൂടാതെ താരത്തിന്റെ മാനേജര് സാമുവല് മിറന്ഡയുടെ വീട്ടിലും പരിശോധന നടത്തി.
എന്സിബി മുംബൈയില് അറസ്റ്റ് ചെയ്ത ലഹരി മരുന്ന് ഇടപാടുകാരന് സയിദ് വിലത്രയ്ക്ക്, റിയയുടെ സഹോദരന് ഷോവിക്കുമായി ബന്ധമുണ്ടെന്നു നേരത്തെ കണ്ടെത്തിയിരുന്നു. റിയയുടെ സഹോദരന് ഷോവിക് ചക്രവര്ത്തിക്കും സാമുവല് മിറാന്ഡയ്ക്കും സയിദ് വിലത്ര കഞ്ചാവ് വിതരണം ചെയ്തുവെന്നാണ് ഏജന്സി വൃത്തങ്ങള് വ്യക്തമാക്കിയത്. സുശാന്തിന്റെ മരണവുമായി ബന്ധപ്പടുത്താവുന്നത് തെളിവുകള്ക്കായാണ് റെയ്ഡ് നടത്തിയത് എന്നാണ് സൂചന.
ദിവസങ്ങള്ക്ക് മുന്പാണ് റിയയും മയക്കമരുന്ന് ഇടനിലക്കാരുമായുള്ള ചാറ്റ് പുറത്തുവന്നത്. അതിന് പിന്നാലെ റിയ തന്റെ മകന് വിഷം നല്കി കൊലപ്പെടുത്തിയതാണെന്ന ആരോപണവുമായി അച്ഛന് രംഗത്തെത്തി. അതോടെ സുശാന്തിന്റെ മരണത്തിലെ മയക്കമരുന്നു മാഫിയയുമായുള്ള ബന്ധം അന്വേഷിക്കുന്നതിനായി നാര്കോട്ടിക്സ് കണ്ട്രോള് ബ്യൂറോയെ ചുമതലപ്പെടുത്തുകയായിരുന്നു. മയക്കമരുന്ന് ഇടപാടുകാരെ അറസ്റ്റ് ചെയ്തതോടെ നിരവധി ബോളിവുഡ് താരങ്ങള്ക്ക് മയക്കുമരുന്ന് വിതരണം ചെയ്യുന്നതായി സൂചന ലഭിച്ചു.