മുംബൈ: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ നടന്‍ പേള്‍ പുരി അറസ്റ്റില്‍. നാഗിന്‍ സീരിയലിലൂടെ ജനശ്രദ്ധ നേടിയ 31 കാരനായ താരത്തെ മുംബൈ പോലീസാണ് അറസ്റ്റ് ചെയ്തത്.
പെണ്‍കുട്ടിയുടെ പിതാവ് നല്‍കിയ പരാതിയിലാണ് പേള്‍ പുരിക്കെതിരെ പോലീസ് കേസെടുത്ത് അറസ്റ്റ് രേഖപ്പെടുത്തിയത്. നിലവില്‍ പോലീസ് കസ്റ്റഡിയിലാണ് താരം.
അതേസമയം, ടെലിവിഷന്‍ മേഖലയിലെ നിരവധി പ്രമുഖരാണ് താരം നിരപരാധിയാണെന്ന് അവകാശപ്പെട്ട് രംഗത്തെത്തിയത്. പ്രമുഖ നിര്‍മാതാവ് ഏക്താ കപൂര്‍ അടക്കം പേള്‍ പുരിയെ പിന്തുണച്ച് രംഗത്തെത്തിയിട്ടുണ്ട്.
നാഗിന്‍ സീരിയലിന് പുറമെ ഫിര്‍ ഭി നാ മാനെ ബത്തമീസ് ദില്‍, ബേപ്പനാ പ്യാര്‍ എന്നിവയിലെ വേഷങ്ങള്‍ കൊണ്ടും ശ്രദ്ധേയനായ വ്യക്തിയാണ് പേള്‍ പുരി.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
