കൊച്ചി: ലോകപരിസ്ഥിതി ദിനാചരണത്തിന്റെ ഭാഗമായി കൊച്ചി സിറ്റി പോലീസിന്റെ നേതൃത്വത്തില് പൊതു ഇടങ്ങളില് വൃക്ഷത്തൈ നട്ടു.സിറ്റി പോലീസ് കമ്മീഷര് സി.എച്ച്.നാഗരാജു,ഡി.സി.പി ഐശ്വര്യ ഡോംഗ്രെ,എ.സി.പി എ.ജെ.തോമസ് എന്നിവരടക്കമുള്ള പോലീസ് ഉദ്യോഗസ്ഥര് മരങ്ങള് നട്ടു. മരങ്ങള് നടുന്നതിനു മുന്നോടിയായി വിവിധ സ്റ്റേഷനുകളിലായി ഉദ്യോഗസ്ഥര് നടത്തവും ഓട്ടവും നടത്തി. കൊവിഡ് പ്രോട്ടോകോള് പാലിച്ചായിരുന്നു ചടങ്ങുകള്.
തിരക്കു പിടിച്ച ഔദ്യോഗിക കൃത്യനിര്വ്വഹണത്തിനിടയില് സ്വന്തം ആരോഗ്യം പരിപാലിയ്ക്കാന് സമയം കിട്ടാത്ത സാഹചര്യത്തില് പരിസ്ഥിതി സംരക്ഷണത്തിനൊപ്പം ആരോഗ്യവും എന്ന സന്ദേശവുമായാണ് ഇത്തവണത്തെ പരിസിഥി ദിനാചരണമെന്ന് കമ്മീഷണര് സി.എച്ച്.നാഗരാജു പറഞ്ഞു.സോഷ്യല് ഫോറസ്റ്റി ഡിപ്പാര്ട്ട്മെന്റ് സഹായത്തോടെ ജില്ലയിലെ മുഴുവന് പോലീസ് സ്റ്റേഷനുകളിലും മരങ്ങള് നട്ടതായി അദ്ദേഹം അറിയിച്ചു.
