സിദ്ധാര്ഥ് ശിവയുടെ പുതിയ ചിത്രമായ ‘വര്ത്തമാനം’ എന്ന ചിത്രത്തിന് സെന്സര് ബോര്ഡ് പ്രദര്ശനാനുമതി നിഷേധിച്ചത് വലിയ വിമര്ശനങ്ങള്ക്ക് കാരണമായിരിക്കുകയാണ്. സോഷ്യല്മീഡിയയിലടക്കം വലിയ ചര്ച്ചകള് ഉയരുന്നതിനിടെ സെന്സര് ബോര്ഡിന് എതിരെ രൂക്ഷമായി വിമര്ശനവുമായി തിരക്കഥാകൃത്തും നടനുമായ മുരളി ഗോപി രംഗത്ത്.
സെന്സര് ബോര്ഡിനെ ഭരണപ്പാര്ട്ടിയുടെ അജണ്ടകളും തത്വശാസ്ത്രവും അരക്കിട്ടുറപ്പിക്കാനുള്ള ഒരു പണിയായുധമായി ഉപയോഗിക്കുന്ന ഈ രീതി മാറിയേ മതിയാകൂ. രാജ്യസ്നേഹവും ദേശീയതയും ഒരു വിഭാഗത്തിന്റെ നിര്വചനത്തില് മാത്രം ഒതുങ്ങുന്ന, ഒതുക്കപ്പെടേണ്ട രണ്ടു വാക്കുകള് അല്ലെന്ന് മുരളി ഗോപി ഫേസ്ബുക്കില് കുറിച്ചു.
അങ്ങനെ ഒതുക്കപ്പെടുന്ന പക്ഷം, അതിനെതിരെ ശബ്ദിക്കേണ്ട ഉത്തരവാദിത്തം ഇവിടത്തെ ഓരോ കലാകാരനും കലാകാരിയ്ക്കും ഉണ്ട്. സെന്സര്ഷിപ്പ് എന്നത് ഏകാധിപത്യത്തിന്റെ ഊന്നുവടിയാണ്. ഒരു ജനാധിപത്യത്തില് അത് ഒരു ശീലമായി മാറിയെങ്കില്, അതിന്റെ അര്ഥം ജനാധിപത്യം പരാജയപ്പെട്ടു എന്ന് തന്നെയാണ് എന്ന് മുരളി ഗോപി പറയുന്നു.