മുംബൈ: മുംബൈയിലെ നെസ്കോ എക്സിബിഷന് സെന്ററില് നടന്ന അന്താരാഷ്ട്ര സംഗീത നിശയ്ക്കിടെ അമിതമായ അളവില് ലഹരിമരുന്ന് ഉള്ളില്ച്ചെന്ന് രണ്ട് എം.ബി.എ വിദ്യാര്ത്ഥികള്ക്ക് ദാരുണാന്ത്യം. ദക്ഷിണ മുംബൈയിലെ പ്രമുഖ കോളേജില് നിന്ന് സംഗീത പരിപാടി ആസ്വദിക്കാന് എത്തിയ 25 ഓളം വരുന്ന വിദ്യാര്ത്ഥി സംഘത്തിലെ 28 വയസ്സുള്ള യുവാവും 24 വയസ്സുള്ള യുവതിയുമാണ് ദാരുണമായി മരണപ്പെട്ടത്. ഇവര്ക്കൊപ്പം ലഹരി ഉപയോഗിച്ച മറ്റൊരു 25-കാരി നിലവില് തീവ്രപരിചരണ വിഭാഗത്തില് ചികിത്സയിലാണ്.
ഏപ്രില് 11-ന് ഇറ്റാലിയന് ഡി.ജെ സംഘമായ ‘999999999’ (9×9) നയിച്ച പരിപാടിക്കിടെയാണ് അതിക്രൂരമായ ലഹരി ഉപയോഗം നടന്നത്. ഏകദേശം നാലായിരത്തോളം പേര് പങ്കെടുത്ത പരിപാടിയില് എം.ഡി.എം.എ എന്ന് സംശയിക്കുന്ന മഞ്ഞ നിറത്തിലുള്ള ലഹരി ഗുളികകള് വ്യാപകമായി വിതരണം ചെയ്യപ്പെട്ടതായി പോലീസ് കണ്ടെത്തിയിട്ടുണ്ട്. സംഗീത പരിപാടിക്ക് എത്തുന്നതിന് മുന്പ് കാറില് വെച്ചും പിന്നീട് വേദിയില് വെച്ചും വിദ്യാര്ത്ഥികള് ലഹരി ഉപയോഗിച്ചിരുന്നു. അമിതമായ അളവില് ലഹരി ഉള്ളില്ച്ചെന്നതിനെത്തുടര്ന്ന് അര്ധരാത്രിയോടെ ശ്വാസതടസ്സവും തലകറക്കവും അനുഭവപ്പെട്ട വിദ്യാര്ത്ഥികളെ ഉടന് തന്നെ ആശുപത്രിയില് എത്തിച്ചെങ്കിലും രണ്ടുപേരുടെ ജീവന് രക്ഷിക്കാനായില്ല.
ദക്ഷിണ മുംബൈയിലെ പ്രമുഖ കോളജിലെ 25ഓളം വരുന്ന വിദ്യാര്ഥി സംഘമാണ് സംഗീത പരിപാടിയില് പങ്കെടുക്കാന് എത്തിയത്. സംഭവവുമായി ബന്ധപ്പെട്ട് പരിപാടിയുടെ സംഘാടകന്, സെക്യൂരിറ്റി ചീഫ്, മയക്കുമരുന്ന് എത്തിച്ചുനല്കിയ വിദ്യാര്ഥി, മയക്കുമരുന്ന് വിതരണക്കാരന് എന്നിവരടക്കം ആറു പേരെ പൊലീസ് അറസ്റ്റ് ചെയ്തു. കൃത്യമായ സുരക്ഷ പരിശോധനകള് നടത്തുന്നതില് സംഘാടകര് പരാജയപ്പെട്ടെന്നും നിയമവിരുദ്ധമായി പ്രായപൂര്ത്തിയാകാത്തവര്ക്ക് മദ്യം നല്കിയെന്നും അന്വേഷണത്തില് കണ്ടെത്തിയിട്ടുണ്ട്. പരിപാടി നടന്ന ഹാളില് മൊബൈല് ഫോണുകള്ക്ക് നിരോധനം ഏര്പ്പെടുത്തിയിരുന്നു. എന്നാല്, ലഹരിയുടെ ലഹരിയില് യുവാക്കള് നൃത്തം ചെയ്യുന്ന വിഡിയോകള് പിന്നീട് സോഷ്യല് മീഡിയയില് പ്രചരിച്ചു. സംഭവത്തില് വിശദമായ അന്വേഷണം നടക്കുകയാണെന്ന് പൊലീസ് അറിയിച്ചു. പോലീസ് അന്വേഷണവുമായി സഹകരിക്കുമെന്ന് നെസ്കോ സെന്റര് പ്രസ്താവനയില് അറിയിച്ചു.
സുരക്ഷാ പരിശോധനകളില് വരുത്തിയ ഗുരുതരമായ വീഴ്ചയും പ്രായപൂര്ത്തിയാകാത്തവര്ക്ക് നിയമവിരുദ്ധമായി മദ്യം വിതരണം ചെയ്തതും അന്വേഷണത്തില് തെളിഞ്ഞിട്ടുണ്ട്. മൊബൈല് ഫോണുകള്ക്ക് നിരോധനം ഏര്പ്പെടുത്തിയിരുന്ന ഹാളിനുള്ളില് ലഹരിയുടെ മയക്കത്തില് യുവാക്കള് നൃത്തം ചെയ്യുന്ന ദൃശ്യങ്ങള് പിന്നീട് സമൂഹമാധ്യമങ്ങളില് പ്രചരിച്ചത് പോലീസിനെ ഞെട്ടിച്ചിട്ടുണ്ട്.
മുംബൈയ്ക്ക് പുറത്തുനിന്നാണ് മാരകമായ ലഹരി ഗുളികകള് എത്തിച്ചതെന്നാണ് പ്രാഥമിക നിഗമനം.റെയ്വ് പാര്ട്ടികളുടെ മറവില് യുവതലമുറയെ ലക്ഷ്യം വെച്ച് പ്രവര്ത്തിക്കുന്ന വന് ലഹരി മാഫിയകളിലേക്ക് അന്വേഷണം വ്യാപിപ്പിച്ചിരിക്കുകയാണ് പോലീസ്. സംഗീതത്തിന്റെ ലഹരിക്കപ്പുറം മരണത്തിന്റെ മാരക ലഹരി തേടിപ്പോയ രണ്ട് യുവജീവനുകള് പൊലിഞ്ഞത് ഉന്നത വിദ്യാഭ്യാസ ക്യാമ്പസുകളെയും രക്ഷിതാക്കളെയും ഒരുപോലെ ആശങ്കയിലാക്കുന്നു.
In a tragic incident during an international music concert in Mumbai, two MBA students died from a suspected drug overdose. The victims, a 28-year-old male and a 24-year-old female from a prominent South Mumbai college, were part of a group attending a performance by the Italian DJ group ‘999999999’ at the Nesco Exhibition Centre. Another 25-year-old student is currently in the ICU. Police have arrested six people, including the organizer and the drug supplier, for security lapses and illegal distribution of narcotics and alcohol. Preliminary reports suggest the use of lethal yellow MDMA pills, sparking concerns over the growing influence of drug mafias in high-profile rave parties.