തിരുവനന്തപുരം: സീറ്റ് കിട്ടാത്തതിന്റെ പേരില് പാര്ട്ടി വിട്ട ലതിക സുഭാഷ് അടഞ്ഞ അധ്യായമാണെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്. ലതികയും സിപിഎമ്മുമായുള്ള ബന്ധത്തെക്കുറിച്ച് കോട്ടയത്ത് പറയുമെന്നും ഏറ്റുമാനൂരില് യുഡിഎഫ് വിജയിക്കുമെന്നും അദ്ദേഹം പറഞ്ഞു.
അതേസമയം ലതികയുടെ പ്രതിഷേധത്തിലും സ്ത്രീ പ്രാധിനിത്യം സ്ഥാനാര്ഥി പട്ടികയില് കുറഞ്ഞതിലും കോണ്ഗ്രസ് ഹൈക്കമാന്ഡ് അതൃപ്തിയിലാണ്. ലതികയുമായി സംസാരിച്ച് അനുനയത്തിന് ശ്രമിക്കേണ്ടതായിരുന്നു എന്നാണ് നേതൃത്വത്തിന്റെ വിലയിരുത്തല്.
അതേസമയം ഇരിക്കൂറില് സജീവ് ജോസഫിനെ സ്ഥാനാര്ഥിയായി പ്രഖ്യാപിച്ചതിന് പിന്നാലെ കോണ്ഗ്രസിലുണ്ടായ പൊട്ടിത്തെറിക്ക് ശമനമില്ല. യുഡിഎഫ് കണ്വീനര് എം.എം.ഹസനും സിറ്റിംഗ് എംഎല്എ കെ.സി.ജോസഫും പങ്കെടുത്ത അനുനയ ചര്ച്ചയിലും സമാവായമുണ്ടായില്ല.
സോണി സെബാസ്റ്റ്യനെ സ്ഥാനാര്ഥിയാക്കണമെന്ന നിലപാടിലാണ് വിമതസ്വരം ഉയര്ത്തുന്നവര്. ഹൈക്കമാന്ഡ് നിര്ദ്ദേശം പാലിക്കണമെന്ന നേതാക്കളുടെ അഭ്യര്ഥനയും കണക്കിലെടുക്കാന് പ്രാദേശിക നേതാക്കളും പ്രവര്ത്തകരും തയാറായില്ല. മണ്ഡലത്തിലെ വികാരം നേതൃത്വം അറിയിക്കണമെന്ന് ഹസനോടും ജോസഫിനോടും പ്രവര്ത്തകര് ആവശ്യപ്പെട്ടു.
അതേസമയം ചര്ച്ച പരാജയമല്ലെന്നും പ്രതിഷേധക്കാരുടെ വികാരം നേതൃത്വത്തെ അറിയിക്കുമെന്നും ഹസന് മാധ്യമങ്ങളോട് പ്രതികരിച്ചു. ഇരിക്കൂറില് സമവായ സ്ഥാനാര്ഥിയായി താന് വീണ്ടും വരുമെന്ന പ്രചരണം കെ.സി.ജോസഫ് തള്ളി. ഇത്തരം വാര്ത്തകള് അടിസ്ഥാനരഹിതമാണെന്നും താന് സ്വയം മാറിയതാണെന്നും ജോസഫ് വ്യക്തമാക്കി.