കോഴിക്കോട്: പാലേരിയില് പാല് തൊണ്ടയില് കുടുങ്ങി നാലുമാസം പ്രായമുള്ള പെണ്കുഞ്ഞ് മരണപ്പെട്ടു. ചെറിയകുമ്പളം സ്വദേശികളായ നവാസ്-താരിഫ ദമ്പതികളുടെ മകളായ ഇനായ ആണ് ദാരുണമായി മരണത്തിന് കീഴടങ്ങിയത്. കുഞ്ഞിന് പാല് നല്കിയതിന് തൊട്ടുപിന്നാലെ പെട്ടെന്ന് കടുത്ത ശ്വാസതടസ്സം അനുഭവപ്പെടുകയായിരുന്നു. അസ്വസ്ഥത പ്രകടിപ്പിച്ച കുഞ്ഞിനെ വീട്ടുകാര് ഉടന് തന്നെ കുറ്റ്യാടിയിലെ സ്വകാര്യ ആശുപത്രിയില് എത്തിച്ചു. തുടര്ന്ന് കൂടുതല് വിദഗ്ധ ചികിത്സ ലഭ്യമാക്കുന്നതിനായി ഉള്ള്യേരിയിലെ മലബാര് മെഡിക്കല് കോളേജ് ആശുപത്രിയിലേക്ക് മാറ്റിയെങ്കിലും കുഞ്ഞിന്റെ ജീവന് രക്ഷിക്കാനായില്ല.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News