മലപ്പുറം: മലപ്പുറത്ത് കൃഷിപ്പണിക്കിടെ സൂര്യാതപമേറ്റ് മധ്യവയസ്കന് മരിച്ചു. മലപ്പുറം തിരുനാവായയിലാണ് സംഭവം. തിരുത്തി സ്വദേശി കുറ്റിയേടത്ത് സുധികുമാര് (43) ആണ് മരിച്ചത്. കൃഷിപ്പണി ചെയ്യുന്നതിനിടെയാണ് സൂര്യാതപമേറ്റത്.
കൊയ്ത്തിനിടെ വെയിലേറ്റ് കുഴഞ്ഞു വീഴുകയായിരുന്നു. ശരീരം നിറയെ പൊള്ളലേറ്റ പാടുകളുണ്ട്. പാട്ടത്തിനെടുത്ത ഭൂമിയില് കൃഷിപ്പണി ചെയ്യുകയായിരുന്നു ഇയാള്.
രാവിലെ ആറുമണിയോടെ സുധികുമാര് വയലില് ജോലിക്ക് പോയതെന്ന് ബന്ധുക്കള് പറഞ്ഞു. 9.30 ഓടെ മറ്റ് പണിക്കാര് വയലില് നിന്നു കയറി. എന്നാല് കൊയ്ത്ത് യന്ത്രവുമായി ബന്ധപ്പെട്ട ജോലികളുമായി സുധികുമാര് വയലില് തുടര്ന്നു. പിന്നീട് ജോലിക്കാര് വയലിലെത്തിയപ്പോഴാണ് സുധികുമാര് കുഴഞ്ഞുവീണ് കിടക്കുന്നത് കണ്ടത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News