കൊച്ചി: കൊവിഡ് പ്രതിസന്ധി മലയാളിയുടെ മദ്യപാനത്തെ ബാധിച്ചിട്ടില്ലെന്ന് കണക്കുകള്. 2020 ഏപ്രില് മുതല് ഈ വര്ഷം ജനുവരി വരെയുള്ള കണക്കുകളുടെ അടിസ്ഥാനത്തില് 10,340 കോടിയുടെ മദ്യം മലയാളി കുടിച്ചു. 2019 ഏപ്രില് മുതല് 2020 മാര്ച്ച് വരെ 14,700 കോടിയുടെ മദ്യമാണ് മലയാളി ഉപയോഗിച്ചത്.
ലോക്ക്ഡൗണ് കാലത്ത് ബാറുകള് അടച്ചിട്ടത്തും ടോക്കണ് നിയന്ത്രണങ്ങള് ഏര്പ്പെടുത്തിയതുമൊന്നും മദ്യപാനത്തില് പ്രതിഫലിച്ചിട്ടില്ല. എറണാകുളം സ്വദേശിയും പ്രോപ്പര് ചാനല് എന്ന സംഘടനയുടെ പ്രസിഡന്റുമായ എം കെ ഹരിദാസന് വിവരാവകാശ നിയമപ്രകാരമാണ് ഈ വിവരങ്ങള് കണ്ടെത്തിയത്.
2019-20ല് പ്രതിമാസം 1225 കോടിയുടെ മദ്യം കഴിച്ചിരുന്നെങ്കില് കഴിഞ്ഞവര്ഷം ഇത് 1034 കോടി എന്ന നിലയിലായിരുന്നു. 2016 ഏപ്രില് മുതല് 2021 ജനുവരി വരെ 64,627 കോടി രൂപയുടെ മദ്യം വിറ്റുവെന്നാണ് വിവരാവകാശരേഖ വ്യക്തമാക്കുന്നത്. 2019 ഒക്ടോബര് 14 വരെ 540 ബാറുകള് സംസ്ഥാനത്ത് പ്രവര്ത്തിക്കുന്നുണ്ട്.