തിരുവനന്തപുരം: സംസ്ഥാനത്ത് വീട് നിര്മാണം ഉള്പ്പെടെയുള്ള സ്വകാര്യ നിര്മാണ പ്രവര്ത്തനങ്ങള്ക്ക് തടസമില്ലെന്ന് മുഖ്യമന്ത്രി പിണറായി വിജയന് പറഞ്ഞു. ഇത് പുനരാരംഭിക്കുന്നതിന് പ്രത്യേക അനുമതി ആവശ്യമില്ല. മുടങ്ങിയ മറ്റു നിര്മാണ പ്രവര്ത്തനങ്ങള്ക്ക് ബന്ധപ്പെട്ടവര് അനുവാദം നല്കും.
സംസ്ഥാനത്ത് പലയിടത്തും നിര്മാണ സാമഗ്രികള്ക്ക് അമിത വില ഈടാക്കുന്നതായി പരാതിയുണ്ട്. ഇത് തടയാന് നടപടി സ്വീകരിക്കും. നിര്മാണത്തിന് കണ്ടെയ്ന്മെന്റ് സോണുകളില് മാത്രമാണ് തടസമുള്ളതെന്ന് മുഖ്യമന്ത്രി പറഞ്ഞു.
കണ്ടെയ്ന്മെന്റ് സോണ് ഒഴികെയുള്ള സ്ഥലങ്ങളില് സ്വകാര്യ ഓഫീസുകള് നിബന്ധനകളോടെ തുറന്ന് പ്രവര്ത്തിക്കാമെന്ന് മുഖ്യമന്ത്രി പിണറായി വിജയന് പറഞ്ഞു. നിശ്ചിത ജീവനക്കാരെ മാത്രമേ ഒരു ദിവസം ജോലിക്ക് നിയോഗിക്കാവൂവെന്ന് മുഖ്യമന്ത്രി നിര്ദേശിച്ചു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News