കോഴിക്കോട്: മെഡിക്കല് കോളേജില് പ്രസവത്തിന് പിന്നാലെ കൈയ്യോടിഞ്ഞ നവജാത ശിശുവിന് ചികിത്സ ലഭിച്ചത് ഒന്പത് മണിക്കൂര് വൈകി. കക്കോടി ഒറ്റത്തെങ്ങ് ഐ സി സുജിന് വി ആര് അമല ദമ്പതികളുടെ കുഞ്ഞിനാണ് മാതൃശിശു സംരക്ഷണ കേന്ദ്രത്തില് നടന്ന പ്രസവത്തില് കൈയൊടിഞ്ഞിട്ടും ചികിത്സ ലഭിക്കാതിരുന്നത്. മെയ് 14നാണ് പ്രസവം നടന്നത്. അപ്പോള് കുഞ്ഞിന് 3.35 കിലോ തൂക്കമുണ്ടായിരുന്നു. പ്രസവത്തിലെ സങ്കീര്ണതയെ തുടര്ന്ന് കൈ ഒടിഞ്ഞെന്ന് ഡോക്ടര്മാര് അറിയിച്ചു. വേദന കൊണ്ട് കുഞ്ഞ് കരഞ്ഞിട്ടും ചികിത്സ ലഭിച്ചില്ല.
പകല് ഒന്നിന് നടന്ന പ്രസവത്തിന് പിന്നാലെ കുഞ്ഞിനെ അത്യാഹിത വിഭാഗത്തിലേക്ക് മാറ്റി. രാത്രി എട്ടോടെയാണ് എക്സ്റേ എടുത്ത് കൈക്ക് ഒടിവുണ്ടെന്ന് സ്ഥിരീകരിക്കുന്നത്. കുട്ടി വേദന കൊണ്ട് കരഞ്ഞിട്ടും അടുത്ത ദിവസമാണ് പ്ലാസ്റ്റര് ഇടാന് ആശുപത്രി അധികൃതര് തയ്യാറായത്. 17ന് പകല് 12.30ന് അമ്മ കുഞ്ഞിന് പാല് കൊടുക്കാന് വേണ്ടി പോയപ്പോള് കൈയിലെ പ്ലാസ്റ്റര് അഴിഞ്ഞുവീണു. ആ സമയം മുതല് വേദന സഹിക്കാന് കഴിയാതെ കുട്ടി വീണ്ടും അലറിക്കരയാന് തുടങ്ങി.
കണ്ടുനില്ക്കാന് കഴിയാതെ കുഞ്ഞിന്റെ ബന്ധുക്കള് പലതവണ ഡോക്ടറെ കണ്ട് വിവരം പറഞ്ഞെങ്കിലും ആരും നോക്കിയില്ല. അസ്ഥിരോഗ വിഭാഗത്തില്നിന്ന് ഡോക്ടര് ഉടന് വരും എന്ന മറുപടിയല്ലാതെ രാത്രി ഒമ്പതായിട്ടും ഡോക്ടര് എത്തിയില്ല. ഇതോടെ വീട്ടുകാര് ഡിസ്ചാര്ജ് വാങ്ങി സ്വകാര്യ ആശുപത്രിയിലേക്ക് പോകുകയായിരുന്നു. അവിടെ ബാന്ഡേജ് ഇട്ടതിനുശേഷമാണ് കുഞ്ഞ് കരച്ചില് നിര്ത്തിയത്. 22 വരെ ബാന്ഡേജ് ഇടണമെന്നാണ് ഡോക്ടര്മാര് നിര്ദേശിച്ചിരിക്കുന്നത്. കുഞ്ഞിന്റെ രക്ഷിതാക്കള് നല്കിയ പരാതിയില് കേസെടുക്കുമെന്ന് പൊലീസ് അറിയിച്ചു. ചൈല്ഡ് ഹെല്പ്പ്ലൈനും വിഷയത്തില് ഇടപെട്ടിട്ടുണ്ട്.
A newborn baby suffered a broken arm during delivery at the Kozhikode Medical College Maternal and Child Health Center, and medical treatment was allegedly delayed for nine hours. The baby, born to Sujin V R and Amala from Kakkodi on May 14, suffered the fracture due to delivery complications. Despite the baby crying continuously in severe pain, the hospital authorities delayed the essential treatment, leading to strong protests from the family.