കൊച്ചി: കൊറിയര് വഴി രാസലഹരി വരുത്തിയ ആലപ്പുഴ ദേശീയ വൈറോളജി ഇന്സ്റ്റിറ്റ്യൂട്ടിലെ (എന്.ഐ.വി) ശാസ്ത്രജ്ഞന് ഡാന്സാഫ് സംഘത്തിന്റെ പിടിയില്. എന്.ഐ.വിയിലെ ടെക്നിക്കല് ഓഫീസറായ മഹാരാഷ്ട്ര പൂനെ ഹവേലി സ്വദേശി പ്രസാദ് സര്ക്കാലെയെയാണ് (39) 3.630 എം.ഡി.എം.എയുമായി അറസ്റ്റിലായത്. ശനിയാഴ്ച വൈകിട്ട് എറണാകുളം ചേരാനല്ലൂര് സിഗ്നല് ജംഗ്ഷന് സമീപത്തെ കൊറിയര് സ്ഥാപനത്തില് നിന്ന് പാഴ്സല് വാങ്ങി മടങ്ങുന്നതിനിടെ കൊച്ചി ഡാന്സാഫ് സംഘം ഇദ്ദേഹത്തെ കസ്റ്റഡിയിലെടുക്കുക ആയിരുന്നു.
കൊറിയര് കമ്പനിയുടെ ചേരാനെല്ലൂരിലെ പ്രധാന ഓഫീസില് നിന്നാണ് ഇദ്ദേഹം കൊറിയര് കൈപ്പറ്റിയത്. ആലപ്പുഴയിലെ മേല്വിലാസത്തിലാണ് പാഴ്സലെത്തിയത്. കൊറിയര് മേല്വിലാസത്തിലെത്താന് രണ്ടുദിവസം കാലതാമസം വരുന്നത് ഒഴിവാക്കാന് ഇദ്ദേഹം നേരിട്ട് ഓഫീസില് എത്തുകയായിരുന്നു. സംശയം തോന്നിയ കൊറിയര് സ്ഥാപനത്തിലെ ജീവനക്കാരാണ് പൊലീസില് അറിയിച്ചത്. സ്വന്തം ആവശ്യത്തിനായാണ് എം.ഡി.എം.എ കൊറിയറിലൂടെ എത്തിച്ചതെന്ന് പൊലീസ് സ്ഥിരീകരിച്ചു.
ഇന്ത്യയുടെ സ്വന്തം കൊവിഡ് വാക്സിന് വികസിപ്പിക്കാന് എന്.ഐ.വി രൂപീകരിച്ച ശാസ്ത്രസംഘത്തിലുള്പ്പെട്ടിരുന്ന ഉദ്യോഗസ്ഥനാണ്. ആലപ്പുഴ ദേശീയ വൈറോളജി ഇന്സ്റ്റിറ്റ്യൂട്ടിലെ മികച്ച ഉദ്യോഗസ്ഥനാണ് ഇദ്ദേഹം. 12 കൊല്ലമായി എന്.ഐ.വി ഉദ്യോഗസ്ഥനായ പ്രസാദ് സര്ക്കാലെ, ടെക്നിക്കല് വിഭാഗത്തിലെ മികച്ച പ്രകടനത്തിന് നിരവധി പുരസ്കാരങ്ങള് നേടിയിട്ടുണ്ട്. വാക്സിന് വികസിപ്പിച്ചെടുത്തതുമായി ബന്ധപ്പെട്ടും അവാര്ഡുകള് ലഭിച്ചു. ഇദ്ദേഹം നാളുകളായി രാസലഹരിക്ക് അടിമയാണ്. അറസ്റ്റ് വിവരം എന്.ഐ.വി അധികൃതരെ അറിയിച്ചതായി ചേരാനല്ലൂര് പൊലീസ് പറഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
A 39-year-old technical officer and scientist at the National Institute of Virology (NIV) in Alappuzha was arrested by the Kochi Dansaf team with 3.630 grams of MDMA. The accused, Prasad Sarkale, a native of Pune, Maharashtra, was caught while returning with the drug parcel from a courier agency near Cheranallur signal junction in Ernakulam. The police have launched a comprehensive investigation into the incident to uncover the inter-state drug network associated with the official.