തിരുവനന്തപുരം: കൊവിഡ് വ്യാപനത്തിന്റെ മൂന്നാംഘട്ടം കൂടുതല് അപകടകരമെന്ന് ആരോഗ്യമന്ത്രി കെ.കെ. ശൈലജ പറഞ്ഞു. രോഗികളുടെ എണ്ണം കൂടിയാല് ചികിത്സയില് ഇപ്പോഴുള്ള ശ്രദ്ധ നല്കാനാവില്ല. എന്നാല്, ജനങ്ങള് കൂട്ടത്തോടെ മരിച്ചോട്ടെ എന്ന് കരുതാന് സര്ക്കാരിന് ആവില്ല.
പ്രതിരോധനിര്ദേശങ്ങള് കര്ശനമായി പാലിച്ചില്ലെങ്കില് കാര്യങ്ങള് കൈവിട്ടുപോകും. കൊവിഡ് മരണം ഒഴിവാക്കുക എന്നതാണ് കേരളത്തിന്റെ ലക്ഷ്യം. ഇതിനായി ഒറ്റക്കെട്ടായി പോരാടണം. സാമ്ബത്തികമായി വലിയ തകര്ച്ചയാണ് കേരളം നേരിടുന്നത്. വാര്ഡ് തല സമിതികളില് രാഷ്ട്രീയം കാണാന് പാടില്ല. ഡെങ്കിപ്പനിക്കും എലിപ്പനിക്കുമെതിരായ പ്രതിരോധ പ്രവര്ത്തനങ്ങളിലും ശ്രദ്ധ കേന്ദ്രീകരിക്കണം.
പ്രവാസികളും ഇതര സംസ്ഥാനത്തുള്ള മലയാളികളും കേരളത്തിന്റെ മക്കളാണ്. അവര് കേരളത്തിലേക്ക് വരണം എന്ന് തന്നെയാണ് സര്ക്കാര് ആഗ്രഹിക്കുന്നത്. എന്നാല് രണ്ടും കല്പിച്ച് എന്ന നിലയ്ക്ക് ഒരു തീരുമാനവും സര്ക്കാര് എടുക്കില്ല-മന്ത്രി പറഞ്ഞു.
കഴിഞ്ഞ രണ്ടുദിവസങ്ങളിലായി സംസ്ഥാനത്ത് കൊവിഡ് രോഗികളുടെ എണ്ണത്തില് കാര്യമായ വര്ദ്ധനയാണ് ഉണ്ടായത്.