കൊറോണ വൈറസിനെ ആരെങ്കിലും കണ്ടിട്ടുണ്ടോ? വൈറസുകള്‍ ജീവന്‍ അപഹരിക്കില്ല; വ്യാജ പ്രചരണവുമായി ജേക്കബ് വടക്കാഞ്ചേരി
തൃശൂര്‍: കൊറോണ വൈറസിനെതിരെ വ്യാജ പ്രചരണവുമായി ജേക്കബ് വടക്കഞ്ചേരി. കോറോണ വൈറസിനെ ആരും കണ്ടിട്ടില്ലെന്നും വൈറസുകള്‍ ജീവന്‍ അപഹരിക്കില്ലെന്നുമാണ് ജേക്കബ് വടക്കഞ്ചേരി പറയുന്നത്. കൊറോണയുടെ പേരില്‍ നടക്കുന്നത് ചിലരുടെ തിരക്കഥയാണെന്നും, ഈ അണുക്കളെ കൊല്ലണമെന്നാവശ്യപ്പെടുന്നവര്‍ പോലും കൊറോണ വൈറസിനെ കണ്ടിട്ടില്ലെന്നും ജേക്കബ് വടക്കഞ്ചേരി തന്റെ ഫേസ്ബുക്കില്‍ പങ്കുവെച്ച വീഡിയോയില്‍ പറയുന്നു. കൊറോണ വൈറസിനെതിരെ സര്‍ക്കാര്‍ സ്വീകരിച്ച നടപടികളെയും മുന്‍കരുതലുകളെയും അറിയിപ്പുകളെയും പരിഹസിച്ചാണ് ജേക്കബ് വടക്കഞ്ചേരിയുടെ വീഡിയോ.
ഒരു വൈറസും, ബാക്ടീരിയയും മനുഷ്യശരീരത്തില്‍ കയറി രോഗമുണ്ടാക്കില്ല. കൊറോണ, നിപ്പ പോലുള്ള വൈറസുകളുണ്ടോയെന്നും, എന്തുകൊണ്ടാണ് ഇത് മനുഷ്യന്‍ മാത്രം വരുന്നതെന്നും ജേക്കബ് വടക്കഞ്ചേരി ചോദിക്കുന്നു. പ്രകൃതി ചികിത്സ, ആയുര്‍വേദം, ഹോമിയോതുടങ്ങിയ ചികിത്സാ രീതികളുണ്ടായിട്ടും അലോപ്പതി ചികിത്സ മാത്രമാണ് സര്‍ക്കാര്‍ നിര്‍ദേശിക്കുന്നത്, അതെന്ത് കൊണ്ടാണെന്നും, പിന്നില്‍ ചില ലക്ഷ്യങ്ങളുണ്ടെന്നും ജേക്കബ് വടക്കഞ്ചേരി ആരോപിക്കുന്നു.
https://www.facebook.com/DrJacobVadakanchery/videos/610423926443942/
