മലയാളത്തിന്റെ നടനവിസ്മയം ജഗതിക്ക് ഇന്ന് 71 പിറന്നാള്. 2012 ലെ കാറപകടത്തിന് ശേഷം ഒന്പത് വര്ഷം പിന്നിട്ടെങ്കിലും ഇന്നും മലയാള സിനിമയില് അദ്ദേഹത്തിന്റെ വിടവ് നികത്താന് തക്കവണ്ണം ആര്ക്കുമായിട്ടില്ല. എന്നാല് സി.ബി.ഐ അഞ്ചാം ഭാഗത്തിലൂടെ ജഗതി വീണ്ടും തിരിച്ചെത്തുന്നു എന്ന വാര്ത്ത പുതിയ പ്രതീക്ഷയായി.
ജഗതിക്ക് പിറന്നാള് ആശംസകള് നേര്ന്നിരിക്കുകയാണ് ഇന്നസെന്റ്. കാബൂളിവാലാ എന്ന് സിനിമയലെ ഒരു ചിത്രം പങ്കുവെച്ചുകൊണ്ട് ‘എന്റെ കടലാസിന് പിറന്നാള് ആശംസകള്’ എന്നാണ് ഇന്നസെന്റ് ഫേസ്ബുക്കില് കുറിച്ചിരിക്കുന്നത്. ഇരുവരും നിരവധി ചിത്രങ്ങളില് സുഹൃത്തുക്കളായും അയല് വാസികളാും സഹോദരങ്ങളായുമൊക്കെ ഒന്നിച്ചിട്ടുണ്ടെങ്കിലും കന്നാസും കടലാസും എന്നും പ്രേക്ഷക മനസില് തങ്ങിനില്ക്കുന്നതാണ്.
സിദ്ദീഖ്-ലാലിന്റെ സംവിധാനത്തില് 1994 ല് പുറത്തിറങ്ങിയ ചിത്രമാണ് കാബൂളിവാല. ജഗതി ശ്രീകുമാറും ഇന്നസെന്റും കന്നാസും കടലാസുമായി തകര്ത്താടിയ ചിത്രം കൂടിയാണിത്. വിനീത് നായകനായെത്തിയ ചിത്രത്തില് വളരെ പ്രാധാന്യമുള്ള കഥാപാത്രങ്ങളായാണ് ഇന്നസന്റും ജഗതിയും കന്നാസും കടലാസുമായി എത്തിയത്.
2012 മാര്ച്ചുമാസം തേഞ്ഞിപ്പലത്ത് വച്ച് നടന്ന വാഹനാപകടത്തില് ജഗതിക്ക് ഗുരുതരമായ പരിക്ക് പറ്റുകയും അഭിനയരംഗത്ത് തുടരാന് കഴിയാത്ത അവസ്ഥ വരികയും ചെയ്തു. അപകടത്തിന് ശേഷം ഏഴു വര്ഷത്തോളം നീണ്ട ചികിത്സയ്ക്ക് ശേഷമാണ് ജഗതി ശ്രീകുമാര് വീണ്ടും ജീവിതത്തിലോട്ട് മടങ്ങി വന്നത്.