മാന്നാനത്ത് കിണറ്റിൽ വീണ വീട്ടമ്മയെ രക്ഷപ്പെടുത്തി

അതിരമ്പുഴ: കിണറ്റിൽ വീണ വീട്ടമ്മയെ രക്ഷപ്പെടുത്തി. മാന്നാനം എസ്.എൻ.ഡി.പി ഗുരുമന്ദിരത്തിന് സമീപം ഇതവാട്ടിൽ ശശിയുടെ ഉടമസ്ഥതയിലുള്ള പുരയിടത്തിലെ 50 അടി താഴ്ച്ചയുള്ള കിണറ്റിലാണ് സമീപവാസിയായ ലിസി (56) എന്ന വീട്ടമ്മ അകപ്പെട്ടത്.

ഉച്ചയ്ക്ക് 1.55 ഓടെയായിരുന്നു സംഭവം. ശബ്ദം കേട്ട് ഓടിയെത്തിയ പ്രദേശവാസിയായ അരുൺ എന്നയാളാണ് വീട്ടമ്മ കിണറിനുള്ളിലെ പൈപ്പിൽ പിടിച്ച് തൂങ്ങിക്കിടക്കുന്ന നിലയിൽ കണ്ടത്. തുടർന്ന് കോട്ടയം അഗ്നിശമനയിൽ വിവരമറിയിച്ചു.

ഉടൻ തന്നെ സേനാംഗങ്ങൾ സ്ഥലത്തെത്തി.സീനിയർ ഫയർ ആൻഡ് റെസ്‌ക്യൂ ഓഫീസർ ടി.എസ് സലീം, ഫയർ ആൻഡ് റെസ്‌ക്യൂ ഓഫീസർ മനോജ് കുമാർ എന്നിവരാണ് കിണറ്റിലിറങ്ങി വീട്ടമ്മയെ രക്ഷപ്പെടുത്തിയത്.