ന്യൂഡല്ഹി: കന്യാസ്ത്രീയെ ബലാത്സംഗ ചെയ്ത കേസിലെ പ്രതിപ്പട്ടികയില് നിന്നൊഴിവാക്കണമെന്ന ആവശ്യവുമായി ബിഷപ്പ് ഫ്രാങ്കോ മുളയ്ക്കല് സുപ്രീം കോടതിയില്. വിടുതല് ഹര്ജിയില് സുപ്രീം കോടതി തീര്പ്പ് കല്പ്പിക്കുന്നത് വരെ വിചാരണ നടപടികള് സ്റ്റേ ചെയ്യണം എന്നും അദ്ദേഹം ആവശ്യപ്പെട്ടിട്ടുണ്ട്.
തനിക്കെതിരായ ആരോപണം കെട്ടിച്ചമച്ചതാണെന്ന് അവകാശപ്പെട്ട് കൊണ്ടാണ് ബിഷപ്പ് ഫ്രാങ്കോ മുളയ്ക്കല് സുപ്രീം കോടതിയില് ഹര്ജി ഫയല് ചെയ്തിരിക്കുന്നത്.
അതേസമയം, സംസ്ഥാന സര്ക്കാരും കന്യാസ്ത്രീയും സുപ്രീം കോടതിയില് തടസ്സ ഹര്ജി ഫയല് ചെയ്തു. വ്യക്തിപരമായ വിദ്വേഷം കാരണമാണ് കന്യാസ്ത്രീ ബലാത്സംഗ ആരോപണം ഉന്നയിച്ചത്. കന്യാസ്ത്രീ നടത്തിയ ചില സാമ്ബത്തിക ഇടപാടുകള് ചോദ്യം ചെയ്തതും തനിക്കെതിരെ പരാതിക്ക് കാരണമായി. കന്യാസ്ത്രീയുടെ മൊഴിയില് വൈരുദ്ധ്യമുണ്ടെന്നും ഫ്രാങ്കോയുടെ ഹര്ജിയില് വിശദീകരിച്ചിട്ടുണ്ട്.