തിരുവനന്തപുരം:വെഞ്ഞാറന്മൂട് രണ്ട് ഡിവൈഎഫ്ഐ പ്രവര്ത്തകരെ വെട്ടിക്കൊലപ്പെടുത്തി. ബൈക്കില് സഞ്ചരിക്കുമ്പോഴായിരുന്നു ആക്രമണം. ഹക് മുഹമ്മദ് (24), മിഥിലാജ് (30) എന്നിവരാണ് കൊല ചെയ്യപ്പെട്ടത്. ഹക് മുഹമ്മദ് സിപിഐഎം കലിങ്ങില് മുഖം ബ്രാഞ്ച് കമ്മിറ്റി അംഗമാണ്. മിഥി രാജ് ഡിവൈഎഫ്ഐ തേവലക്കാട് യൂണിറ്റ് സെക്രട്ടറിയാണ്. പ്രദേശത്ത് നേരത്തെ കോണ്ഗ്രസ് സിപിഎം സംഘര്ഷം നിലനിന്നിരുന്നു.കൊലപാതകത്തിന് പിന്നില് കോണ്ഗ്രസാണ് എന്ന് സിപിഎം ആരോപിച്ചു.
ബൈക്കിലെത്തിയ സംഘം ഇരുവരേയും വളയുകയും മാരകായുധങ്ങളുപയോഗിച്ച് വെട്ടിക്കൊലപ്പെടുത്തുകയുമായിരുന്നു. നെഞ്ചിന് കുത്തേറ്റ മിഥിലാജ് സംഭവസ്ഥലത്ത് വെച്ചും ഹക് മുഹമ്മദ് ആശുപത്രിയിലും മരിച്ചു. കഴിഞ്ഞ പാര്ലമെന്റ് തിരഞ്ഞെടുപ്പിന്റെ കൊട്ടിക്കലാശവുമായി ബന്ധപ്പെട്ടുണ്ടായ തര്ക്കമാണ് കൊലപാതകരത്തിലേക്ക് നയിച്ചതെന്നാണ് വിവരം. പ്രദേശിക കോണ്ഗ്രസ് നേതാവായ സജീവ് എന്നയാളുടെ നേതൃത്വത്തിലാണ് കൊലപാതകം നടന്നതെന്ന് ദൃക്സാക്ഷികള് പൊലീസിന് മൊഴി നല്കിയിട്ടുണ്ട്.
ഹക് മുഹമ്മദ് സിപിഐഎം കലിങ്ങില് മുഖം ബ്രാഞ്ച് കമ്മിറ്റി അംഗമാണ്. മിഥി രാജ് ഡിവൈഎഫ്ഐ തേവലക്കാട് യൂണിറ്റ് സെക്രട്ടറിയാണ്. പ്രദേശത്ത് നേരത്തെ കോണ്ഗ്രസ് സിപിഎം സംഘര്ഷം നിലനിന്നിരുന്നു. കൊലപാതകത്തിന് പിന്നില് കോണ്ഗ്രസാണ് എന്ന് സിപിഎം ആരോപിച്ചു. രാഷ്ട്രീയ കാരണങ്ങളെന്ന് കൊലയിലേക്ക് നയിച്ചതെന്ന് തിരുവനന്തപുരം റൂറല് എസ്പി പ്രതികരിച്ചു. ബൈക്കിന്റെ ഉടമ നജീബ് അടക്കം മൂന്നു കോണ്ഗ്രസ് പ്രവര്ത്തകര് കസ്റ്റഡിയിലുണ്ടെന്നാണ് വിവരം.