ന്യുയോർക്ക് : യുഎസ് പ്രസിഡന്റ് ഡൊണാള്ഡ് ട്രംപിനെ 2021-ലെ സമാധാന നോബല് പുസ്കാരത്തിന് നാമനിര്ദേശം ചെയ്തു. ഇസ്രായേലും യുഎഇയും തമ്മിലുള്ള കരാറിന് മധ്യസ്ഥത വഹിച്ചതിന് നോര്വീജിയന് പാര്ലമെന്റ് അംഗം ക്രിസ്റ്റ്യന് ടൈബ്രിംഗ് ആണ് ട്രംപിനെ പുരസ്കാരത്തിന് നാമനിര്ദേശം ചെയ്തത്.
ലോകമെമ്പാടുമുള്ള സംഘര്ഷങ്ങള് പരിഹരിക്കുന്നതിനുള്ള ട്രംപിന്റെ ശ്രമങ്ങളെ പ്രശംസിക്കുന്നതായി ക്രിസ്റ്റ്യന് ട്രൈബ്രിംഗ് പറഞ്ഞു. സമാധാന നോബല് പുരസ്കാരത്തിന് നാമനിര്ദ്ദേശം ചെയ്യപ്പെട്ട മറ്റ് അപേക്ഷകരേക്കാള് ലോകരാഷ്ട്രങ്ങള്ക്കിടയില് സമാധാനം സൃഷ്ടിക്കാന് ട്രംപ് ശ്രമിച്ചിട്ടുണ്ടെന്ന് താന് കരുതുന്നുവെന്നും ട്രൈബിംഗ് പറഞ്ഞു.
യു.എ.ഇയും ഇസ്രായേലും തമ്മിലുള്ള ബന്ധം സ്ഥാപിക്കുന്നതില് ട്രംപ് ഭരണകൂടം സുപ്രധാന പങ്കുവഹിച്ചെന്നും നാറ്റോ പാര്ലമെന്ററി അസംബ്ലിയിലേക്കുള്ള നോര്വീജിയന് പ്രതിനിധി സംഘത്തിന്റെ ചെയര്മാന്കൂടിയായ ടൈബ്രിംഗ് കൂട്ടിച്ചേര്ത്തു.