കൊച്ചി: കൊവിഡ് വാക്‌സിന്റെ രണ്ടാമത്തെ ഡോസ് സ്വീകരിക്കുന്ന ഡോക്ടര്‍ ഷിനു ശ്യാമളന്റെ ചിത്രങ്ങള്‍ സോഷ്യല്‍ മീഡിയകളില്‍ ചര്‍ച്ചയാകുന്നു. ഫേസ്ബുക്ക് പോസ്റ്റിലൂടെയാണ് ഡോക്ടര്‍ ഇക്കാര്യം അറിയിച്ചത്. വാക്സിന് സ്വീകരിക്കുന്ന ചിത്രവും സോഷ്യല്‍ മീഡിയയില്‍ പങ്കുവച്ചിട്ടുണ്ട്.
എന്നാല്‍ പോസ്റ്റിന് താഴെ ആരോഗ്യമന്ത്രി കെ കെ ശൈലജ വാക്സിന് സ്വീകരിച്ചപ്പോള്‍ ഇട്ട ചിത്രത്തെ താരതമ്യം ചെയ്തുകൊണ്ട് നിരവധി കമന്റുകളാണ് വന്നുകൊണ്ടിരിക്കുന്നത്. ‘ടീച്ചറമ്മ കാണുന്നുണ്ടോ ഇതൊക്കെ, ഈ ഫോട്ടോ കണ്ടിട്ട് ആര്‍ക്കും വികാരം വന്നിട്ടില്ല, വരികയുമില്ല’, ടീച്ചറമ്മ കണ്ടുപഠിക്കട്ടെ തുടങ്ങി നിരവധി കമന്റുകളാണ് ചിത്രത്തിന് വന്നുകൊണ്ടിരിക്കുന്നത്.
ആരോഗ്യമന്ത്രി വാക്സിന് സ്വീകരിക്കുന്ന ചിത്രം നേരത്തെ സോഷ്യല്‍ മീഡിയയില്‍ പങ്കുവച്ചിരുന്നു. എന്നാല്‍ ബ്ലൗസിന് മുകളിലാണോ കുത്തിവയ്‌പെടുക്കുന്നതെന്ന രീതിയില്‍ ചിത്രത്തെ ചിലര്‍ പരിഹസിച്ചിരുന്നു.
അതേസമയം മലയാളികളുടെ പ്രിയതാരം മോഹന്‍ലാല്‍ കൊവിഡ്-19 വാക്സിന് സ്വീകരിച്ചു. കൊച്ചിയിലെ അമൃത ആശുപത്രിയില്‍ വച്ചാണ് മോഹന്‍ലാല്‍ വാക്സിനേഷന്റെ ആദ്യ ഡോസ് സ്വീകരിച്ചത്.
കൊവിഡ് വാക്സിന് എടുക്കേണ്ടത് നമുക്കുവേണ്ടിയും സമൂഹത്തിനു വേണ്ടിയുമാണെന്നും എല്ലാവരും സര്‍ക്കാര്‍ നിര്‍ദ്ദേശപ്രകാരം പല ഘട്ടങ്ങളായുള്ള വാക്സിനേഷനില്‍ പങ്കാളികളാകണമെന്നും അദ്ദേഹം അഭ്യര്‍ത്ഥിച്ചു.
