ബംഗളൂരു: വീട്ടിലെത്തി വാക്സിന് നല്കിയതിന് ഡോക്ടറെ അറസ്റ്റ് ചെയ്തു. മഞ്ജുനാഥ് നഗര് പ്രാഥമികാരോഗ്യ കേന്ദ്രത്തിലെ മെഡിക്കല് ഓഫീസര് ഡോ. പുഷ്പിതയും സുഹൃത്തായ പ്രേമയും ചേര്ന്നാണ് വീട്ടില് അനധികൃതമായി കൊവിഷീല്ഡ് വാക്സിന് നല്കിയത്.
ഡോക്ടര് പി.എച്ച്.സിയില് നിന്ന് വാക്സിന് എടുക്കുകയും പ്രേമയുടെ വീട്ടില് ആളുകള്ക്ക് വാക്സിനേഷന് നല്കുകയും ചെയ്തിരുന്നു. ഒരു ഡോസിന് 500 രൂപയാണ് ഇവര് ഈടാക്കിയിരുന്നത്.സര്ക്കാര് പോര്ട്ടലുകളില് രജിസ്റ്റര് ചെയ്ത ആളുകള്ക്ക് നല്കാനുള്ള വാക്സിന് പി.എച്ച്.സിക്ക് സര്ക്കാര് അനുവദിച്ചിട്ടുണ്ട്. കുപ്പികള് മോഷ്ടിച്ച് പ്രേമയുടെ വീട്ടില് സൂക്ഷിക്കാന് ഡോക്ടര് ഉപയോഗിച്ച രേഖകള് വ്യാജമാണെന്ന് ഞങ്ങള് സംശയിക്കുന്നു എന്ന് പോലീസ് അറിയിച്ചു.
വ്യാജ കൊവിഡ് -19 സര്ട്ടിഫിക്കറ്റുകള് നല്കുന്നതുമായി ബന്ധപ്പെട്ട വിവരം ലഭിച്ച കോണ്സ്റ്റബിള് സതീഷ് ജി. ചാമരാജ്പേട്ട് പി.എച്ച്.സി. യില് ടെസ്റ്റ് ചെയ്യാന് എന്ന വ്യാജേന എത്തിയാണ് തെളിവുകളോടെ പ്രതികളെ പിടികൂടിയത്.
മറ്റൊരു ഓപ്പറേഷനില്, ഡോക്ടര് 25000 രൂപയ്ക്ക് ഒരു റെംഡെസിവിര് കുപ്പി വില്ക്കുന്നതിനിടെ പോലീസ് അറസ്റ്റ് ചെയ്തു. പ്രതിയില് നിന്ന് 11 കുപ്പികള് പോലീസ് കണ്ടെടുത്തു. പിന്നീട് മൂന്ന് കുപ്പികള് 25,000 രൂപയ്ക്ക് വീതം വിറ്റതായി പ്രതി സമ്മതിച്ചു. അവരുടെ കുറ്റസമ്മതത്തിന്റെ അടിസ്ഥാനത്തില് പി.എച്ച്.സി. യിലെ മറ്റൊരു സ്റ്റാഫിനെയും പോലീസ് അറസ്റ്റ് ചെയ്തു.
രണ്ട് ഡോക്ടര്മാരെയും ബി.ബി.എം.പി. പി.എച്ച്.സി. യിലേക്കാണ് നിയോഗിച്ചിരുന്നത്. ഡോ. ശേഖര് 10 മാസമായും, ഡോ. പ്രജ്വാല രണ്ടാഴ്ചയായും അവിടെ ജോലി ചെയ്ത് വരികയായിരുന്നു.