തിരുവനന്തപുരം: സംസ്ഥാനത്തുണ്ടായ എല്ലാ കൊവിഡ് മരണങ്ങളും സര്ക്കാര് പട്ടികയില് ഉള്പ്പെടുത്താന് നടപടി തുടങ്ങി. പട്ടികയില് നിന്ന് ഒഴിവാക്കപ്പെട്ട മരണങ്ങള് മൂന്നുദിവസത്തിനകം റിപ്പോര്ട്ട് ചെയ്യണമെന്ന് ആരോഗ്യമന്ത്രി വീണ ജോര്ജ് ഡി.എം.ഒമാര്ക്ക് നിര്ദേശം നല്കി. വീട്ടില്വച്ചുണ്ടായ കൊവിഡ് മരണങ്ങളും പട്ടികയില് ഉള്പ്പെടുത്തും.
കൊവിഡ് ബാധിച്ച് മരിച്ചവരുടെ പേര് വിവരങ്ങള് പരസ്യപ്പെടുത്തുമെന്ന് കഴിഞ്ഞ ദിവസം വീണാ ജോര്ജ് വ്യക്തമാക്കിയിരുന്നു. ജില്ലാ അടിസ്ഥാനത്തിലാകും കണക്കുകള് പ്രസിദ്ധപ്പെടുത്തുക. കൊവിഡ് മരണമെന്ന് ഡോക്ടര് സ്ഥിരീകരിച്ചവയാകും പട്ടികയിലുണ്ടാവുക.
പ്രസിദ്ധീകരിക്കപ്പെട്ട പട്ടികയില് നിന്ന് ഒഴിവാക്കപ്പെട്ടതായ പരാതികള് നല്കാവുന്നതും അവ പരിശോധിക്കപ്പെടുമെന്നും മന്ത്രി പറഞ്ഞു. 13,500 ഏറെ മരണങ്ങളുടെ പട്ടികയാണ് പ്രസിദ്ധപ്പെടുത്തുന്നത്.
സംസ്ഥാനത്ത് കൊവിഡ് ടെസ്റ്റ് പോസിറ്റിവിറ്റി നിരക്ക് കുറയാത്ത സാഹചര്യത്തില് ഇന്നു മുഖ്യമന്ത്രി പിണറായി വിജയന്റെ അധ്യക്ഷതയില് അവലോകന യോഗം ചേരും. ടി.പി.ആര് കുറയാത്ത സാഹചര്യത്തില് സ്വീകരിക്കേണ്ട നടപടികള് യോഗത്തില് ചര്ച്ച ചെയ്യും.
ടിപിആര് കുറയാത്തതിനാല് നിയന്ത്രണങ്ങളില് കൂടുതല് ഇളവ് അനുവദിക്കാനുള്ള സാധ്യത കുറവാണെന്നാണു സര്ക്കാര് വൃത്തങ്ങള് നല്കുന്ന സൂചന. നിയന്ത്രണങ്ങള് അടുത്ത ബുധനാഴ്ച വരെ തുടരും. ചൊവ്വാഴ്ച വീണ്ടും അവലോകന യോഗം ചേര്ന്ന് സ്ഥിതി വിലയിരുത്തും.