കൊച്ചി: കരൾ സംബന്ധമായ അസുഖത്തെ തുടർന്ന് ആശുപത്രിയിൽ കഴിയുന്ന നടൻ ബാലയെ കാണാൻ മകൾ അവന്തിക എത്തി. കൊച്ചി അമൃത ആശുപത്രിയിൽ ചികിത്സയിലാണ് ബാലയെ കഴിഞ്ഞ ദിവസം പ്രവേശിപ്പിച്ചത്.
ബാലയുടെ ആഗ്രഹ പ്രകാരമാണ് മകളെ ആശുപത്രിയിൽ എത്തിച്ചത്. അതേസമയം നടന്റെ ആരോഗ്യനിലയിൽ പുരോഗതിയില്ല. കരൾ മാറ്റ ശസ്ത്രക്രിയയുടെ സാധ്യതകൾ തേടുന്നതായി ആശുപത്രി അധികൃതർ അറിയിച്ചിട്ടുണ്ട്. നടന്റെ നില ഗുരുതരാവസ്ഥയിൽ തുടരുകയാണ്.
കഴിഞ്ഞ ദിവസം കടുത്ത ചുമയും വയറുവേദനയും അനുഭവപ്പെട്ടതിനെ തുടർന്നാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. തുടർന്ന് ബോധരഹിതനായ അദ്ദേഹത്തെ ഐസിയുവിലേക്ക് മാറ്റുകയായിരുന്നു.
അടിയന്തരമായി കരൾ മാറ്റിവയ്ക്കൽ ശസ്ത്രക്രിയ നടത്തേണ്ടി വരുമെന്നാണ് ആശുപത്രി വൃത്തങ്ങളിൽ നിന്നും ലഭിക്കുന്ന സൂചന.നേരത്തെയും കരൾ സംബന്ധമായ അസുഖങ്ങളെ തുടർന്ന് ബാല ചികിത്സ തേടിയിരുന്നു. ബാലയുടെ സഹോദരനും സംവിധായകനുമായ ശിവ നടനെ കാണാൻ ഇന്ന് ഉച്ചയോടെ ആശുപത്രിയിലെത്തും.
