തൃശൂര്‍: സിപിഎം പ്രവര്‍ത്തകനെ കൊലപ്പെടുത്തിയ കേസില്‍ ഏഴ് ബിജെപി പ്രവര്‍ത്തകര്‍ക്ക് ജീവപര്യന്തം തടവുശിക്ഷ. തൃശൂരില്‍ ചെമ്പനേഴത്ത് രാജുവിനെ കൊലപ്പെടുത്തിയ കേസിലാണ് ശിക്ഷ. പ്രതികള്‍ ഒരുലക്ഷം രൂപ വീതം പിഴയൊടുക്കണമെന്നും കോടതി നിര്‍ദേശിച്ചു.
കൊടുങ്ങല്ലൂര്‍ എസ്എന്‍ പുരം വാഴൂര്‍ രാമന്‍കുളത്ത് രതീഷ് (35), പടിഞ്ഞാറെ വെമ്പല്ലൂര്‍ കൈപോത്ത് ഗിരീഷ് (42), എസ്എന്‍ പുരം കടപ്പുറം പറളമുറി ഇരുമ്പന്‍ മനോജ് (44), പടിഞ്ഞാറെ വെമ്പല്ലൂര്‍ വാഴൂര്‍ രഞ്ജിത്ത് ( രാജു31), എസ്എന്‍ പുരം ബേബികടവ് പെരിങ്ങത്ര സുരേന്ദ്രന്‍ (സുനി), എസ്എന്‍ പുരം ബസാര്‍ദേശം അനങ്ങാട്ട് കിഷോര്‍ (40), പൂവത്തുംകടവ് തോപ്പില്‍ ഷാജി (മാരി ഷാജി39) എന്നിവര്‍ക്കാണ് ശിക്ഷ. കേസില്‍ പ്രതികള്‍ കുറ്റക്കാരാണെന്ന് കോടതി വ്യാഴാഴ്ച കണ്ടെത്തിയിരുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
