തിരുവനന്തപുരം: കൊവിഡ് പ്രതിരോധ പ്രവര്ത്തനങ്ങള്ക്കായി കൂടുതല് ആളുകളുടെ സേവനം അഭ്യര്ത്ഥിച്ച് മുഖ്യമന്ത്രി പിണറായി വിജയന്. ആരോഗ്യവകുപ്പിലെ ജീവനക്കാര്ക്കു പുറമെ നാഷണല് ഹെല്ത്ത് മിഷനിലുള്പ്പെടെ കരാര് അടിസ്ഥാനത്തില് കൂടുതല് ആരോഗ്യ പ്രവര്ത്തകരെ ഇതിനായി നിയോഗിക്കുമെന്നും മുഖ്യമന്ത്രി അറിയിച്ചു.
നിയമിക്കപ്പെടുന്നവര്ക്ക് ഇന്ഷ്വറന്സ് പരിരക്ഷ നല്കും. അതിനുപുറമെ ഇന്സെന്റീവ് നല്കാനും ആലോചിച്ചിട്ടുണ്ട്. കൊവിഡ് ബ്രിഗേഡില് ഉള്പ്പെടുന്ന എല്ലാ കരാര് ജീവനക്കാര്ക്കും പ്രത്യേക ആരോഗ്യ പരിരക്ഷ നല്കുന്നുണ്ട്. പഞ്ചായത്തുകളിലെ ശുചീകരണ തൊഴിലാളികള്ക്ക് പഞ്ചായത്തുകള് തന്നെ താമസസൗകര്യം നല്കും. സിഎഫ്എല്ടിസികളില് സ്രവം പരിശോധിക്കാനുള്ള ഉപകരണം സ്ഥാപിക്കും.
കൊവിഡ് പ്രതിരോധ പ്രവര്ത്തനത്തില് ഏര്പ്പെടുത്ത വിദ്യാര്ത്ഥികള്ക്ക് അനുമോദന സര്ട്ടിഫിക്കറ്റ് നല്കും. നിലവില് ഈ പ്രവര്ത്തനങ്ങളില് ഏര്പ്പെടുന്നവര്ക്കു നല്കുന്ന പ്രതിഫലം വര്ധിപ്പിക്കും. കൊവിഡ് ബ്രിഗേഡ് എന്ന നിലയിലുള്ള സംവിധാനമാണ് സിഎഫ്എല്ടിസി പ്രവര്ത്തനങ്ങള്ക്കു നേതൃത്വം നല്കുകയെന്നും മുഖ്യമന്ത്രി വ്യക്തമാക്കി.