തിരുവനന്തപുരം:സംസ്ഥാനത്ത് കൊവിഡ് വ്യാപനം രൂക്ഷമായ സാഹചര്യത്തില് നിരോധനാജ്ഞ പ്രഖ്യാപിച്ചു. പത്ത് ജില്ലകളിലാണ് നിരോധനാജ്ഞ. തിരുവനന്തപുരം, കോഴിക്കോട്, എറണാകുളം, ആലപ്പുഴ, മലപ്പുറം, ഇടുക്കി, തൃശൂര്, കൊല്ലം, കോട്ടയം, പത്തനംതിട്ട ജില്ലകളിലാണ് നിരോധനാജ്ഞ പ്രഖ്യാപിച്ചത്. ഇത് സംബന്ധിച്ച് ജില്ലാ ഭരണകൂടങ്ങള് ഉത്തരവ് പുറത്തിറക്കി.
നിരോധനാജ്ഞ പ്രഖ്യാപിച്ച ജില്ലകളില് കടുത്ത നിയന്ത്രണങ്ങളാണ് ഏര്പ്പെടുത്തിയിരിക്കുന്നത്. നിയന്ത്രണങ്ങള് രാവിലെ ഒന്പത് മണി മുതല് നിലവില് വരും. നാളെ മുതല് ഈ മാസം 31 വരെയാണ് നിരോധനാജ്ഞ പ്രഖ്യാപിച്ചിരിക്കുന്നത്.
കോവിഡ് വ്യാപനം തടയുന്നതിൻ്റെ ഭാഗമായി ഇടുക്കി ജില്ലയിലെ ടൗണുകളിൽ മാത്രമാണ് സി ആർ പി സി 144 അനുസരിച്ചു കർശന നിയന്ത്രണങ്ങൾ ഏർപ്പെടുത്തിയിരിക്കുന്നതെന്ന് ജില്ലാ കളക്ടർ എച്ച് ദിനേശൻ അറിയിച്ചു. മറ്റിടങ്ങളിൽ സാധാരണ കോവിഡ് പ്രതിരോധ നിയന്ത്രണങ്ങൾ മാത്രമെ ഉണ്ടാകുകയുള്ളു.
ടൗണുകൾ:
അടിമാലി
മുന്നാർ
ആനച്ചാൽ
വണ്ടിപ്പെരിയാർ
ഏലപ്പാറ
തുക്കു പാലം
കാഞ്ഞാർ
തൊടുപുഴ
കട്ടപ്പന
നെടുങ്കണ്ടം
കുമളി
ചെറുതോണി
കഞ്ഞിക്കുഴി
വണ്ണപ്പുറം
കരിമ്പൻ
മുരിക്കാശേരി
തോപ്രാംകുടി
തങ്കമണി
രാജകുമാരി
രാജാക്കാട്
പൂപ്പാറ
കരിമണ്ണൂർ
മറയൂർ
വട്ടവട
പീരുമേട്
നിയന്ത്രണങ്ങള്
അഞ്ചുപേരിൽ കൂടുതൽ കൂട്ടം കൂടാൻ പാടില്ല.
എല്ലാവരും കോവിഡ് പ്രോട്ടോക്കോള് കര്ശനമായി പാലിക്കണം. സാമൂഹിക അകലം, മാസ്കിന്റെ ഉപയോഗം, സാനിറ്റൈസേഷന് എന്നിവ ഉറപ്പാക്കണം.
🔹വിവാഹച്ചടങ്ങുകള്ക്ക് പരമാവധി 50 പേരും മരണാനന്തര ചടങ്ങുകള്ക്കു പരമാവധി 20 പേരും മാത്രമെ പാടുള്ളൂ..
🔹സര്ക്കാര് ചടങ്ങുകള്, മത ചടങ്ങുകള്, പ്രാര്ത്ഥനകള്, രാഷ്ട്രീയ, സാമൂഹിക, സാംസ്കാരിക പരിപാടികള് എന്നിവയ്ക്ക് പരമാവധി 20 പേര് മാത്രമേ പങ്കെടുക്കാവൂ.
മാര്ക്കറ്റുകള്, ബസ് സ്റ്റാന്റുകള്, പൊതുഗതാഗത സംവിധാനം, ഓഫീസുകള്, വ്യാപാര സ്ഥാപനങ്ങള്, റസ്റ്റോറന്റുകള്, തൊഴിലിടങ്ങള്, ആശുപത്രികള്, വ്യവസായ ശാലകള്, വാണിജ്യ കേന്ദ്രങ്ങള് എന്നിവയും പരീക്ഷകളും റിക്രൂട്ട്മെന്റുകളും വിവിധ തലങ്ങളില് അനുവദനീയമായ വാണിജ്യ പ്രവര്ത്തനങ്ങളും സാമൂഹിക അകലവും ബ്രേക് ദ ചെയിന് പ്രോട്ടോക്കോളും പാലിച്ചു മാത്രമേ നടത്താവൂ.