ഒമാനില്‍ 418 പേർക്ക് കൂടി കോവിഡ് സ്ഥിരീകരിച്ചു 

മസ്‌ക്കറ്റ്: ഒമാനില്‍ പുതിയതായി 418 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് ആകെ റിപ്പോർട്ട് ചെയ്ത പോസിറ്റീവ് കേസുകളുടെ എണ്ണം 1,16,152 ആയി ഉയർന്നു. വൈറസ് ബാധയെത്തുടർന്ന് 10 പേർ കൂടി മരണപ്പെട്ടതോടെ, സുൽത്താനേറ്റിലെ ആകെ കോവിഡ് മരണസംഖ്യ 1,256 ആയി. കോവിഡ് സ്ഥിരീകരിച്ചവരിൽ 1,06,195 പേർക്ക് രോഗം ഭേദമായിട്ടുണ്ട്. 91.4 ശതമാനമാണ് രോഗമുക്തി നിരക്ക്. രാജ്യത്ത് 386 പേർ നിലവിൽ ആശുപത്രികളിൽ ചികിത്സയിലുണ്ട്. ഇതിൽ 173 പേർ ഐ.സി.യുവിലാണ്.