തിരുവനന്തപുരം :തദ്ദേശഭരണ തെരഞ്ഞെടുപ്പ് അടുത്തു നില്‍ക്ക് വന്‍ തിരിച്ചടി നല്‍കി കോണ്‍ഗ്രസ്സില്‍ നിന്നും ബിജെപിയിലേക്കുള്ള ഒഴുക്ക് തുടരുന്നു. കോണ്‍ഗ്രസ്സില്‍ നിന്ന് 50 പ്രവര്‍ത്തകര്‍ ബിജെപിയിലേക്ക് എത്തുന്നതായി ബിജെപി നേതാവ് വിവി രാജേഷ് തന്റെ ഫെയ്‌സ്ബുക്കിലൂടെ അറിയിച്ചു. തിരുവനന്തപുരം കോര്‍പ്പറേഷനിലെ മുല്ലൂര്‍ ഡിവിഷനില്‍ കോണ്‍ഗ്രസ്സില്‍ നിന്നാണ് 50 പ്രവര്‍ത്തകര്‍ ബിജെപിയിലെത്തുന്നത്.
കിടാരക്കുഴി സര്‍വ്വീസ് സഹകരണ ബാങ്ക് ഡയറക്ടര്‍ ബോര്‍ഡഗം മിനിമോള്‍, കര്‍ഷകകോണ്‍ഗ്രസ്സ് മണ്ഡലം പ്രസിഡന്റ് തങ്കയ്യന്‍ നാടാര്‍ എന്നിവരുടെ നേതൃത്വത്തിലാണ് പ്രവര്‍ത്തകരെത്തുന്നത്. ഇതോടെ ബിജെപി സംസ്ഥാനത്ത്‌ കൂടുതല്‍ ശക്തി പ്രാപിക്കുകയാണ്. ഇനിയും കൂടുതല്‍ പ്രവര്‍ത്തകര്‍ എത്തുമെന്നും രാജേഷ് അവകാശപ്പെടുന്നു.
വിവി രാജേഷിന്റെ ഫെയ്‌സ്ബുക്ക് കുറിപ്പിന്റെ പൂര്‍ണരൂപം ;
തിരുവനന്തപുരം കോര്‍പ്പറേഷനിലെ മുല്ലൂര്‍ ഡിവിഷനില്‍ കോണ്‍ഗ്രസ്സില്‍ നിന്ന് 50 പ്രവര്‍ത്തകര്‍ ബിജെപി യിലെത്തുന്നു.കിടാരക്കുഴി സര്‍വ്വീസ് സഹകരണ ബാങ്ക് ഡയറക്ടര്‍ ബോര്‍ഡഗം മിനിമോള്‍, കര്‍ഷകകോണ്‍ഗ്രസ്സ് മണ്ഡലം പ്രസിഡന്റ് തങ്കയ്യന്‍ നാടാര്‍ എന്നിവരുടെ നേതൃത്വത്തിലാണ് പ്രവര്‍ത്തകരെത്തുന്നത്.വരും ദിവസങ്ങളില്‍ കൂടുതല്‍ പ്രവര്‍ത്തകര്‍ ബിജെപി യിലെത്തും.
