വാഷിങ്ടണ്: കൊവിഡ് പോസിറ്റീവായ യുവതിയുടെ മുലപ്പാലിന് നിറവ്യത്യാസം വന്നതായി റിപ്പോര്ട്ട്. യുവതിയുടെ കുഞ്ഞിനും കൊവിഡ് പൊസിറ്റീവാണ്. മുലപ്പാലിലെ നിറവ്യത്യാസം ചികില്സിക്കുന്ന ആരോഗ്യപ്രവര്ത്തകര്ക്കും ആശ്ചര്യമുണ്ടാക്കി.
മിറര് വെബ്സൈറ്റാണ് ഇത് സംബന്ധിച്ച വാര്ത്ത പ്രസിദ്ധീകരിച്ചത്. മെക്സിന് സ്വദേശിനിയായ ഇരുപത്തിമൂന്നുകാരി അന്ന കോര്ട്ടസ് അടുത്തിടെയാണ് ഒരു കുഞ്ഞിന് ജന്മം നല്കിയത്. പ്രസവം കഴിഞ്ഞ് കുറച്ചു ദിവസത്തിനുശേഷമാണ് അന്നയ്ക്ക് കൊവിഡ് പൊസിറ്റീവായത്. കുഞ്ഞിനും രോഗം പടര്ന്നു. കുഞ്ഞിന് പാല് നല്കുന്നതിനിടെയാണ് നിറം വ്യത്യാസം അന്നയുടെ ശ്രദ്ധയില്പ്പെട്ടത്.
പരിശോധനയില് പാലില് കൊറോണ വൈറസിന്റെ സാന്നിധ്യം കണ്ടെത്തി. പാലിലൂടെയാണ് അന്നയുടെ കുഞ്ഞിന് രോഗം പടര്ന്നതെന്ന് ഇതോടെ വ്യക്തമായി. കുറച്ചുദിവസത്തെ ചികില്സയ്ക്ക് ശേഷം അന്നയ്ക്കും കുഞ്ഞിനും രോഗം ഭേദമായി. അതോടെ പാലിലെ നിറം വ്യത്യാസം മാറുകയും ചെയ്തു.
കൊവിഡ് ബാധിക്കുമ്പോഴുണ്ടാകുന്ന അണുബാധ ആയിരിക്കാം പാലിലെ നിറ വ്യത്യാസത്തിനു കാരണമെന്നാണ് ഡോക്ടര്മാരുടെ നിഗമനം. അന്നയും, കുഞ്ഞും സുഖമായിരിക്കുന്നു. കുഞ്ഞിന് മുലപ്പാല് കൊടുക്കുന്നതിന് പ്രശ്നങ്ങളിലെന്നും ഡോക്ടര്മാര് അറിയിച്ചു. പ്രസവത്തിനു ശേഷം ഡോക്ടര്മാരുടെ നിര്ദേശ പ്രകാരം യുവതി കഴിച്ചിരുന്ന ആഹാരത്തിന്റെ പാര്ശ്വഫലങ്ങളാകാനുളള സാധ്യതയും തളളിക്കളയുന്നില്ല. പ്രസവ ശേഷം ധാരാളം പച്ചക്കറികള് അന്ന കഴിച്ചിരുന്നു.
ഇതാണോ നിറവ്യത്യാസത്തിന് കാരണമായതെന്നും ഡോക്ടര്മാര് പരിശോധിക്കുന്നുണ്ട്. പാലിലൂടെ കുഞ്ഞിന് കൊവിഡ് വൈറസ് ബാധിച്ചത് അപൂര്വമാണെന്നാണ് ആരോഗ്യപ്രവര്ത്തകരുടെ വിലയിരുത്തല്.