ന്യൂഡല്ഹി: ലഡാക്കിലെ പാന്ഗോംഗ് തടാകത്തിന് സമീപം ചൈനീസ് സൈന്യം ഒപ്ടിക്കല് ഫൈബര് കേബിളുകള് സ്ഥാപിക്കുന്നുവെന്ന് വെളിപ്പെടുത്തല്. ലഡാക്കിലെ സംഘര്ഷാവസ്ഥയ്ക്ക് അയവു വരുത്താന് ഉന്നതതല ചര്ച്ചകള് തുടരുന്നതിനിടെയാണ് ചൈന ദീര്ഘദൂരം കുഴികുഴിച്ച് കേബിള് സ്ഥാപിക്കാനുള്ള പ്രവര്ത്തനങ്ങള് നടത്തുന്നതെന്ന് വാര്ത്താ ഏജന്സിയായ റോയിട്ടേഴ്സ് റിപ്പോര്ട്ടു ചെയ്തു.
സൈനികര്ക്ക് ആശയവിനിമയത്തിനുള്ള സൗകര്യം ഒരുക്കാനാണ് ഇവ സ്ഥാപിക്കുന്നതെന്നാണ് കരുതുന്നത്. ഇതേക്കുറിച്ച് പ്രതികരിക്കാന് ചൈനീസ് വിദേശ മന്ത്രാലയ ഉദ്യോഗസ്ഥര് തയാറായില്ലെന്നും പ്രതിരോധ വ്യത്തങ്ങളെ ബന്ധപ്പെടാന് കഴിഞ്ഞില്ലെന്നും റിപ്പോര്ട്ടില് പറയുന്നു.
അതിവേഗത്തിലാണ് പ്രവര്ത്തനങ്ങള് പുരോഗമിക്കുന്നത് കേബിള് സ്ഥാപിക്കുന്നത് സംബന്ധിച്ച പ്രവര്ത്തനങ്ങള് മുന്നോട്ട് പോകുന്നതെന്നാണ് റിപ്പോര്ട്ടില് സൂചിപ്പിക്കുന്നത്. ഇതേക്കുറിച്ച്, അധികൃതര്ക്ക് മുന്നറിയിപ്പ് നല്കിയിട്ടുണ്ടെന്ന് ഇന്ത്യന് ഉദ്യോഗസ്ഥര് വ്യക്തമാക്കിയെന്നും റോയിട്ടേഴ്സ് ചൂണ്ടിക്കാട്ടുന്നു.