കോട്ടയം: മലയാളത്തിലെ പ്രമുഖ സിനിമാര് നിര്മ്മാതാവായിരുന്ന ജോസഫ് ജെ കക്കാട്ടില് നിര്യാതനായി. ഒട്ടേറെ ഹിറ്റ് ചലച്ചിത്രങ്ങളുടെ നിര്മാതാവായിരുന്നു ജോസഫ് ജെ. കക്കാട്ടില്. ചെറുപുഷ്പം ഫിലിംസിന്റെ ഉടമയായിരുന്നു. ചെറുപുഷ്പം കൊച്ചേട്ടന് എന്ന പേരിലും അദ്ദേഹം അറിയപ്പെട്ടിരുന്നു. 86 വയസ്സായിരുന്നു.
വാര്ധക്യ സഹജമായ അസുഖത്തെത്തുടര്ന്ന് പാലാ ചേര്പ്പുങ്കലിലെ സ്വകാര്യ ആശുപത്രിയില് ചികിത്സയിലായിരുന്നു ഇദ്ദേഹം. മലയാളത്തിലെ താരങ്ങളെ ഒക്കെ നായകന്മാരാക്കി ജോസഫ് ജെ. കക്കാട്ടില് സിനികള് നിര്മ്മിച്ചിട്ടുണ്ട്. പ്രേംനസീര്, കമല്ഹാസന്, മധു, സുകുമാരന്, മമ്മൂട്ടി, മോഹന്ലാല്,സുരേഷ് ഗോപി,ജയറാം, ശ്രീനിവാസന് തുടങ്ങിയവരെയെല്ലാം നായകന്മാരാക്കി ചെറുപുഷ്പം സിനിമകള് നിര്മിച്ചിട്ടുണ്ട്. ദക്ഷിണേന്ത്യയിലെ പ്രധാന നിര്മാതാക്കളായ സൂപ്പര്ഗുഡുമായി ചേര്ന്ന് ചെറുപുഷ്പം ഫിലിംസ് ഒട്ടേറെ ചിത്രങ്ങള് നിര്മിച്ചിട്ടുണ്ട്.
മുപ്പത് വര്ഷത്തിലേറെ മലയാള സിനിമാ നിര്മ്മാണ രംഗത്ത് സജീമായിരുന്നു അദ്ദേഹം. എഴുപതുകളിലെ സിനിമയായ ‘അനാവരണം’ മുതല് മുതല് ‘നാടന് പെണ്ണും നാട്ടുപ്രമാണിയും’ വരെ ഒട്ടേറെ ചലച്ചിത്രങ്ങള് നിര്മ്മിച്ചു. നിരവധി ചിത്രങ്ങള് ഇദ്ദേഹത്തിന്റെ സംവിധാന മികവില് ഒരുങ്ങിയവയാണ്. തുടര്ന്ന് നിദ്ര, വീട്, മൗനനൊമ്ബരം,ഇതിലെ ഇനിയും വരൂ, അനുരാഗി, പാവം പാവം രാജകുമാരന് എന്നീ ചിത്രങ്ങളുടെ നിര്മാതാവ് ഇദ്ദേഹമായിരുന്നു.
ശ്രീദേവി, മധു എന്നിവരെ കേന്ദ്ര കഥാപാത്രമാക്കി ചെറുപുഷ്പം ഫിംലിംസ് നിര്മ്മിച്ച ‘ആ നിമിഷം’ വലിയ വിജയമായിരുന്നു. ഇദ്ദേഹം നിര്മ്മിച്ച കമലാഹാസന്, മധു, ഷീല, സീമ എന്നിവര് കഥാപാത്രങ്ങളായി എത്തിയ ‘ഈറ്റ’യും വന്വിജയം കണ്ടു. മലയാളത്തിന് പുറമെ തമിഴ്, കന്നട, തെലുങ്ക് ഭാഷകളിലും ചെറുപുഷ്പത്തിന്റെ സിനിമകള് നിര്മ്മിച്ചിട്ടുണ്ട്. എ. വിന്സെന്റ്, ഭരതന്, പി.ജി. വിശ്വംഭരന് ശശികുമാര്, കമല് തുടങ്ങിമലയാളത്തിലെ പ്രമുഖ സംവിധായകാരായ ചിത്രങ്ങള് അദ്ദേഹം നിര്മ്മിച്ചിട്ടുണ്ട്.
പാലായിലെ സിനിമയുടെ കേന്ദ്രമായാണ് ഇദ്ദേഹത്തിന്റെ പുലിയന്നൂരിലുള്ള വസതി അറിയപ്പെട്ടിരുന്നത്. നിരവധി സിനിമകളിലും ഈ വീട് ചിത്രീകരിച്ചിട്ടുണ്ട്.