വിജയവാഡ : 27,000 രൂപയ്ക്ക് സഹോദരന് സെക്സ് റാക്കറ്റിന് കൈമാറിയ 13 വയസ്സുകാരിയെ പോലീസ് മോചിപ്പിച്ചു . ആന്ധ്രപ്രദേശിലെ സിങ്കരായകോണ്ടയിലെ ഒരു വീട്ടില്നിന്നാണ് പോലീസ് സംഘം പെണ്കുട്ടിയെ പോലീസ് രക്ഷപ്പെടുത്തിയത് . സെക്സ് റാക്കറ്റ് നടത്തിപ്പുകാരനായ വീട്ടുടമയെ പോലീസ് അറസ്റ്റ് ചെയ്തു. 27,000 രൂപയാണ് പെണ്കുട്ടിയെ കൈമാറിയതിന് സെക്സ് റാക്കറ്റ് നടത്തിപ്പുകാരന് സഹോദരന് നല്കിയതെന്ന് പോലീസ് പറഞ്ഞു .
പെണ്കുട്ടിയുടെ സഹോദരനും ഭാര്യയുമാണ് 13 വയസ്സുകാരിയെ 27,000 രൂപയ്ക്ക് വിറ്റതെന്നു പോലീസ് പറഞ്ഞു. മാതാപിതാക്കള് തമ്മില് കലഹത്തിലായിരുന്നതിനാല് പിതാവിന്റെ ആദ്യ ബന്ധത്തിലുള്ള സഹോദരനൊപ്പം നെല്ലൂരിലായിരുന്നു പെണ്കുട്ടി താമസിച്ചിരുന്നത് . ജൂലായ് 12-ന് സഹോദരനും ഭാര്യയും പെണ്കുട്ടിയെ സിങ്കരായകോണ്ടയിലെ ഒരു വീട്ടിലേക്ക് കൊണ്ടുപോയി . ഇവിടെ എത്തിയതിന് ശേഷമാണ് താന് കെണിയില്പ്പെട്ടത് പെണ്കുട്ടിക്ക് മനസിലായത് .
തുടര്ന്ന് പോലീസ് കണ്ട്രോള് റൂം നമ്പറായ 100-ല് വിളിച്ച് പെണ്കുട്ടി സഹായം തേടുകയായിരുന്നു.ഫോണ്കോള് ലഭിച്ചതിന് പിന്നാലെ ഫോണിന്റെ ലൊക്കേഷന് കണ്ടെത്തി പെണ്കുട്ടിയെ താമസിപ്പിച്ച വീട്ടില്നിന്നും മണിക്കൂറുകള്ക്കുള്ളില് പോലീസ് പെണ്കുട്ടിയെ രക്ഷപ്പെടുത്തുകയും ചെയ്തു.അതേസമയം, കുട്ടിയുടെ സഹോദരനെയും ഭാര്യയെയും ഇതുവരെ പിടികൂടിയിട്ടില്ല .ഉടന് അവരെ അറസ്റ്റ് ചെയ്യുമെന്നാണ് പോലീസ് അറിയിച്ചത്