മുംബൈ: ടി20 ലോകകപ്പ് കിരീടം നിലനിർത്തിയ ഇന്ത്യൻ ക്രിക്കറ്റ് ടീമിന് ബിസിസിഐ 131 കോടി രൂപ പാരിതോഷികം പ്രഖ്യാപിച്ചു. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന ഫൈനലിൽ ന്യൂസീലൻഡിനെ പരാജയപ്പെടുത്തിയാണ് സൂര്യകുമാർ യാദവും സംഘവും കിരീടമുയർത്തിയത്. 2024-ൽ രോഹിത് ശർമയുടെ കീഴിൽ ലോകകപ്പ് നേടിയപ്പോൾ നൽകിയ 125 കോടി രൂപയുടെ റെക്കോഡാണ് ഇതോടെ ബിസിസിഐ തിരുത്തിക്കുറിച്ചത്.
ടി20 ലോകകപ്പ് കിരീടം വിജയകരമായി നിലനിർത്തുന്ന ആദ്യ ടീമെന്ന ഖ്യാതിയും മൂന്ന് തവണ ഈ കിരീടം നേടുന്ന ആദ്യ രാജ്യമെന്ന നേട്ടവും ഇന്ത്യ ഇതോടെ സ്വന്തമാക്കി. താരങ്ങൾക്കും സപ്പോർട്ട് സ്റ്റാഫിനും സെലക്ടർമാർക്കും അഭിനന്ദനങ്ങൾ അറിയിച്ച ബിസിസിഐ, ഈ ചരിത്രവിജയത്തിന്റെ പശ്ചാത്തലത്തിലാണ് വൻതുക പാരിതോഷികമായി പ്രഖ്യാപിച്ചത്.
ബിസിസിഐക്ക് പുറമേ രാജ്യാന്തര ക്രിക്കറ്റ് കൗൺസിലും (ഐ.സി.സി.) ഇന്ത്യൻ ടീമിന് വലിയൊരു തുക സമ്മാനമായി നൽകുന്നുണ്ട്. ചാമ്പ്യന്മാരായ ടീമിന് 3 മില്യൺ യുഎസ് ഡോളറാണ് (ഏകദേശം 27.48 കോടി രൂപ) ഐസിസി നൽകുന്നത്. ടൂർണമെന്റിന്റെ ആകെ സമ്മാനത്തുകയായ 13.5 മില്യൺ ഡോളറിന്റെ ഭാഗമാണിത്. മുൻ വർഷത്തേക്കാൾ 20 ശതമാനത്തിന്റെ വർധനയാണ് സമ്മാനത്തുകയിൽ ഇത്തവണ വരുത്തിയത്.
ഫൈനലിലെ വിജയത്തിന് പുറമേ, ഗ്രൂപ്പ് ഘട്ടത്തിലും സൂപ്പർ 8 ഘട്ടത്തിലും വിജയിച്ച ഓരോ മത്സരങ്ങൾക്കും ഏകദേശം 31,154 ഡോളർ (ഏകദേശം 28.6 ലക്ഷം രൂപ) വീതം ബോണസായും ഇന്ത്യൻ ടീമിന് ലഭിക്കും. ഇതോടെ ബി.സി.സി.ഐ.യുടെയും ഐ.സി.സി.യുടെയും പാരിതോഷികങ്ങൾ ചേർന്ന് കോടിക്കണക്കിന് രൂപയുടെ റെക്കോർഡ് നേട്ടമാണ് ഇന്ത്യൻ ടീമിനെ തേടിയെത്തിയിരിക്കുന്നത്.
The BCCI has announced a historic cash reward of ₹131 crore for the Indian cricket team following their triumph in the 2026 T20 World Cup. Led by Suryakumar Yadav, India successfully defended their title by defeating New Zealand by 96 runs in the final held at the Narendra Modi Stadium in Ahmedabad. This win marks India’s third T20 World Cup title, making them the most successful team in the tournament’s history. The reward surpasses the ₹125 crore given to the team after their 2024 victory.