<p>തിരുവനന്തപുരം സംസ്ഥാനത്ത് കൊവിഡ് 19 രോഗം പടര്ന്നു പിടിയ്ക്കുന്ന സാഹചര്യത്തില് ഏപ്രില് ഫൂള് ദിനവുമായി ബന്ധപ്പെട്ട് കൊറോണ വൈറസ്, ലോക്ക്ഡൗണ് എന്നീ വിഷയങ്ങളെക്കുറിച്ച് വ്യാജ പോസ്റ്ററുകള് നിര്മ്മിക്കുകയും സാമൂഹിക മാധ്യമങ്ങളിലൂടെ പങ്കുവയ്ക്കുകയും ചെയ്യുന്നവര്ക്കെതിരെ കര്ശന നടപടി സ്വീകരിക്കുമെന്ന് മുഖ്യമന്ത്രി പിണറായി വിജയന്. ഇത്തരം സന്ദേശങ്ങള് നിര്മ്മിക്കുന്നവരെയും ഫോര്വേഡ് ചെയ്യുന്നവരെയും അറസ്റ്റ് ചെയ്തു നിയമ നടപടികള് കൈക്കൊള്ളും. </p>
<p>ഇത്തരം സന്ദേശങ്ങള് തയ്യാറാക്കുന്നവരെയും പ്രചരിപ്പിക്കുന്നവരെയും കണ്ടെത്താന് ഹൈടെക് ക്രൈം എന്ക്വയറി സെല്, സൈബര്ഡോം, സൈബര് പോലീസ് സ്റ്റേഷനുകള്, വിവിധ ജില്ലകളിലെ സൈബര് സെല്ലുകള് എന്നിവയ്ക്ക് നിര്ദ്ദേശം നല്കിയിട്ടുണ്ട്. സാമൂഹികമാധ്യമങ്ങള് കര്ശനമായി നിരീക്ഷിക്കാനും നിര്ദ്ദേശിച്ചിട്ടുണ്ടെന്ന് മുഖ്യമന്ത്രി അറിയിച്ചു.</p>