ചെന്നൈ:തെന്നിന്ത്യന്‍ സിനിമാ ലോകത്തിന് പരിചയപ്പെടുത്തലുകള്‍ ആവശ്യമില്ലാത്ത നടിയാണ് ഗൗതമി. മലയാളത്തിലും തമിഴിലും എല്ലാം നിരവധി സിനിമകളും ചെയ്തിട്ടുണ്ട്. ഗൗതമി എന്ന കലാകാരിയെ അത്രകണ്ട് സ്നേഹിക്കുന്നവരാണ് പലരും അതുകൊണ്ട് തന്നെ ആണ് താരത്തിന് ഇത്രയധികം പിറന്നാൾ ആശംസകളും ലഭിച്ചത്. ഗൗതമിയുടെ മകൾ പങ്കുവെച്ച പിറന്നാൾ ആശംസയും ഫോട്ടോയുമാണ് ചർച്ചയാകുന്നത്. ചിത്രം കാണുമ്പോൾ സഹോദരങ്ങളെ പോലെയാണ് തോന്നുന്നത് എന്നാണ് ചിത്രത്തിന് താഴെ വരുന്ന ഭൂരിഭാഗം കമെന്റുകളും കാണിച്ച തരുന്നത്.
“എന്റെ തെന്നിന്ത്യൻ നക്ഷത്രവും, എന്റെ മാതൃകയുമായ, എന്റെ അമ്മയ്ക്ക് ജന്മദിനാശംസകൾ. ഈ ലോകം ക്രൂരമാകുമ്പോൾ അമ്മ അനുകമ്പയുള്ളവളാകുന്നു. സമയം ദുഷ്‌കരമായി തോന്നുമ്പോൾ അവൾ അചഞ്ചലയാണ്. അവളുടെ ഹൃദയവും അവളുടെ ആത്മാവും ഒന്നുതന്നെയാണ്. അവളുടെ ജന്മദിനത്തിൽ എല്ലാവരും അവളെ ആശംസിക്കുന്നത് കാണുന്നതിൽ എനിക്ക് വളരെ സന്തോഷമുണ്ട്. അവളെ എന്റെ അമ്മയായി കിട്ടിയതിൽ എനിക്ക് അഭിമാനവും നന്ദിയും ഉണ്ട്, അവൾ ഈ വർഷം മുമ്പത്തേക്കാൾ സന്തോഷവതിയായി കാണാൻ കാത്തിരിക്കാൻ എനിക്ക് കഴിയില്ല” എന്നാണ് ഗൗതമിയുടെ മകൾ സുബ്ബു കുറിച്ചിരിക്കുന്നത്. നിരവധി പേരാണ് ഈ പോസ്റ്റിനു താഴെ ഗൗതമിക്ക് പിറന്നാൾ ആശംസകളുമായി എത്തിയിരിക്കുന്നത്.
“എന്റെ പിറന്നാൾ ദിനത്തിൽ ഒരുപാട് ആശംസകൾ ലഭിച്ചു, ഒരുപാട് പേരുടെ അനുഗ്രഹങ്ങളും സ്നേഹവും വാത്സല്യവും ലഭിച്ചു, ഇതെല്ലാം എന്നെ വല്ലാതെ തളർത്തുന്നു. നിങ്ങൾ ഓരോരുത്തർക്കും എന്റെ ഹൃദയത്തിൽ നിന്ന് ഞാൻ നന്ദി പറയുന്നു, നിങ്ങളുടെ ജീവിതത്തിന്റെ ഭാഗമായി നിങ്ങൾ എന്നെ കണക്കാക്കുന്നതിൽ എനിക്ക് അതിയായ സന്തോഷമുണ്ട്. കഴിഞ്ഞ 36 വർഷമായി എന്നോടൊപ്പം ഈ ജീവിതയാത്ര നടത്തിയതിന് നന്ദി, നിങ്ങൾ പിന്തുടരുന്ന ഏതൊരു സ്വപ്നത്തിലും നിങ്ങൾക്ക് വിജയമുണ്ടാവട്ടെ നിങ്ങൾ ഓരോരുത്തർക്കും നല്ല ആരോഗ്യവും സന്തോഷവും ഉള്ള ജീവിതം ഞാൻ ആശംസിക്കുന്നു”. ഗൗതമി പറയുന്നു.
വളരെ പ്രധാനപ്പെട്ട ഒരുപാട് പാഠങ്ങൾ പഠിച്ച ഒരു വർഷമാണ് കടന്നു പോയത്. എനിക്ക് വളരെ അധികം അഭിമാനം തോന്നുന്നു. എനിക്ക് ചുറ്റും ഇനി സ്നേഹിക്കുന്ന ഒരുപാട് പേരുണ്ട് , ചെയ്യാൻ ഇനിയും ഒരുപാട് നല്ല കാര്യങ്ങളുണ്ട്. ഞൻ വളരെ നന്നയിരിക്കുന്നു അതുകൊണ്ട് നമ്മൾക്ക് എല്ലാവർക്കും ചേർന്ന് വളരെ നല്ലൊരു വർഷം ജീവിക്കാം എന്നാണ് ഗൗതമി അതോടൊപ്പം പങ്കുവെച്ച വീഡിയോയിൽ പറയുന്നത്.
