കൊച്ചി: സംസ്ഥാനത്ത് ഒരു കൊവിഡ് മരണം കൂടി റിപ്പോര്ട്ട് ചെയ്തു. എറണാകുളത്താണ് മരണം റിപ്പോര്ട്ട് ചെയ്തത്. കളമശേരി മെഡിക്കല് കോളജ് ആശുപത്രിയില് ചികിത്സയിലായിരുന്ന കാക്കനാട് പടമുഗള് സ്വദേശി ഹംസയാണ് മരിച്ചത്. കഴിഞ്ഞ കുറച്ചു ദിവസങ്ങളായി കൊവിഡ് ചികിത്സയിലായിരുന്നു.
സംസ്ഥാനത്ത് ഇന്ന് റിപ്പോര്ട്ട് ചെയ്യുന്ന രണ്ടാമത്തെ മരണമാണ് ഹംസയുടേത്. വയനാട്ടില് കൊവിഡ് മരണം റിപ്പോര്ട്ട് ചെയ്തിരുന്നു. കല്പ്പറ്റ പുളിയാര്മല ആദിത്യ വീട്ടില് സദാനന്ദന് (82) ആണ് മരിച്ചത്. ഹൃദയസംബന്ധമായ അസുഖത്തിന് ചികിത്സയിലായിരുന്നു. സെപ്റ്റംബര് 22നാണ് കൊവിഡ് സ്ഥിരീകരിച്ചതിനെ തുടര്ന്ന് ഇദ്ദേഹത്തെ ജില്ലാ ആശുപത്രിയില് പ്രവേശിപ്പിച്ചത്.
അതേസമയം സംസ്ഥാനത്ത് ഇന്ന് 9258 പേര്ക്ക് കൊവിഡ്-19 സ്ഥിരീകരിച്ചു. കോഴിക്കോട് 1146, തിരുവനന്തപുരം 1096, എറണാകുളം 1042, മലപ്പുറം 1016, കൊല്ലം 892, തൃശൂര് 812, പാലക്കാട് 633, കണ്ണൂര് 625, ആലപ്പുഴ 605, കാസര്ഗോഡ് 476, കോട്ടയം 432, പത്തനംതിട്ട 239, ഇടുക്കി 136, വയനാട് 108 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.