കൊച്ചി:സൈബർ ഇടത്തിൽ ഏതുതരം ആക്രമണം നേരിട്ടാലും അതിനെ തങ്ങളുടേതായ രീതിയിൽ കൈകാര്യം ചെയ്യുന്നവരാണ് സംഗീത സംവിധായകൻ ഗോപി സുന്ദറും (Gopi Sunder) പങ്കാളി അഭയ ഹിരണ്മയിയും (Abhaya Hiranmayi). ഇക്കുറി താൻ പോസ്റ്റ് ചെയ്ത ഏറ്റവും പുതിയ പാർട്ടി ചിത്രങ്ങൾക്ക് അശ്‌ളീല പ്രയോഗം നടത്തിയവരോട് പറയാതെ പറഞ്ഞുകൊണ്ടുള്ള മറുപടിയുമായാണ് അഭയയുടെ വരവ്. കഴിഞ്ഞ ദിവസമാണ് അതേ പരിപാടിയിലെ കൂടുതൽ ചിത്രങ്ങളും കുറിക്കുകൊള്ളുന്ന വാചകവുമായി അഭയ
ഇൻസ്റ്റഗ്രാമിൽ എത്തിയത്.
അഭിസാരിക പ്രയോഗം എറിഞ്ഞവരെയാണ് പ്രധാനമായും അഭയ ഉദ്ദേശിച്ചിട്ടുള്ളത്. More ‘slut’ photos എന്നാണ് അഭയയുടെ ക്യാപ്‌ഷന്റെ തുടക്കം. ‘എന്നെ സ്നേഹിക്കുകയും നിങ്ങളുടെ മനോഹരമായ ചിന്തകൾ എനിക്ക് അയയ്ക്കുകയും എന്റെ ഫോട്ടോകളെക്കുറിച്ച് വളരെയധികം സന്തോഷത്തോടെ അഭിനന്ദിക്കുകയും ചെയ്യുന്ന അസംഘ്യം ആളുകൾക്ക് വേണ്ടിയും’ എന്നുകൂടി പറഞ്ഞിട്ടുണ്ട്. എപ്പോഴത്തെയും പോലെ ഗോപി സുന്ദർ അഭയക്ക് പിന്തുണയുമായി വന്നിട്ടുണ്ട്.
എന്റെ ബോൾഡ് ആൻഡ് ബ്യൂട്ടിഫുളിന് ഒട്ടേറെ സ്നേഹം എന്നാണ് ഗോപിയുടെ മറുപടി. ഷോർട്ട് പാർട്ടി ഡ്രസ്സ് ധരിച്ചാണ് അഭയ ഏറ്റവും പുതിയ ഫോട്ടോയിൽ പ്രത്യക്ഷപ്പെട്ടത്. അല്ലു അർജുൻ അതിഥിയായെത്തി പരിപാടിയിലാണ് ഇരുവരും പങ്കെടുത്തത്. ഗോപി ഒരു ചിത്രം പോസ്റ്റ് ചെയ്യുകയും അഭയ മറ്റു ചിത്രങ്ങൾ ഇൻസ്റ്റഗ്രാം സ്റ്റോറിയിൽ ഷെയർ ചെയ്യുകയുമാണുണ്ടായത്.
ഒരു ചിത്രം പോസ്റ്റ് ചെയ്തപ്പോൾ ഹാലിളകിയവർക്ക്‌ മുന്നിൽ ഇപ്പോൾ നാല് ചിത്രങ്ങളാണ് അഭയ പോസ്റ്റ് ചെയ്തിട്ടുള്ളത്.
ബ്ലൂ ബ്ലെയ്‌സറും ഡെനിം പാന്റ്സും ധരിച്ച ഗോപിക്കൊപ്പം വെട്ടിത്തിളങ്ങുന്ന ബ്ലാക്ക് മിനി പാർട്ടി ഡ്രെസ്സും ഷോർട്ട് ഹെയർസ്റ്റൈലുമായിരുന്നു അഭയയുടെ ലുക്കിനെ പൂർണ്ണമാക്കിയത്. ഇരുവരും സുഹൃത്തുക്കൾക്കും മറ്റുമൊപ്പം പോസ് ചെയ്യുന്ന ചിത്രങ്ങൾ ഗോപിയും അഭയയും പോസ്റ്റ് ചെയ്തു.
അഭയയുടെ ഒപ്പമുള്ള ചിത്രം പോസ്റ്റ് ചെയ്ത്, ‘എന്റെ പവർബാങ്ക്’ എന്നാണ് അദ്ദേഹം ക്യാപ്‌ഷൻ നൽകിയത്. ഇരുവരും ക്യാമറയെ നോക്കി പുഞ്ചിരി തൂകുന്ന ചിത്രമാണ് ഗോപി പോസ്റ്റ് ചെയ്തത്.
സംഗീത സംവിധായകൻ ഗോപി സുന്ദറും പങ്കാളിയായ ഗായിക അഭയ ഹിരണ്മയിയും ചേർന്നുള്ള പോസ്റ്റുകൾ ഇടയ്ക്കിടെ സോഷ്യൽ മീഡിയയിൽ പ്രത്യക്ഷപ്പെടാറുണ്ട്. പൊതു ചടങ്ങുകളിലും, ആഘോഷങ്ങളിലും ഒക്കെ ഒന്നിച്ച് പങ്കെടുത്ത ചിത്രങ്ങൾ ഇരുവരും മാറിമാറി പോസ്റ്റ് ചെയ്യാറുണ്ട്.