ന്യൂഡല്ഹി: ഹരിയാനയില് മൂന്ന് വനിതാ കര്ഷകര് ട്രക്ക് ഇടിച്ച് മരിച്ചു. ബഹദൂര്ഘട്ടിലാണ് സംഭവം. തിക്രിയില് കര്ഷക സമരത്തില് പങ്കെടുത്ത് മടങ്ങിയവരാണ് മരിച്ചത്. വ്യാഴാഴ്ച രാവിലെ 6.30നാണ് അപകടമുണ്ടായത്.
പഞ്ചാബിലെ മന്സ ജില്ലയില് നിന്നുളഅള അമര്ജീത് കൗര്, ഗുര്മൈല് കൗര്, ഹര്ന്ദര് കൗര് എന്നിവരാണ് മരിച്ചത്. സമരത്തില് പങ്കെടുത്ത ഇവര് നാട്ടിലേക്ക് മടങ്ങാനായി വാഹനം കാത്ത് ഫൂട്ട്പാത്തില് ഇരിക്കുന്നതിനിടെ അമിത വേഗതയില് എത്തിയ വാഹനം ഇടിച്ചുതെറിപ്പിക്കുകയായിരുന്നു. രണ്ട് പേര് സംഭവ സ്ഥലത്ത് വെച്ചും ഒരാള് ആശുപത്രിയിയില്വെച്ചുമാണ് മരിച്ചത്.
അപകടം ഉണ്ടായ ഉടന് ട്രക്ക് ഡ്രൈവര് ഓടി രക്ഷപ്പെട്ടതായും കര്ഷകര് പറയുന്നു. അപകടം സംബന്ധിച്ച് ചില സംശയങ്ങളുണ്ടെന്നും അന്വേഷണം ആരംഭിച്ചതായും പൊലീസ് പറഞ്ഞു.അടുത്തിടെയാണ് ഉത്തര്പ്രദേശിലെ ലംഖിപൂരില് കര്ഷകരുടെ പ്രതിഷേധത്തിലേക്ക് കേന്ദ്രമന്ത്രിയുടെ മകന്റെ നേതൃത്വത്തില് കാറിടിച്ച് കയറ്റി ഒമ്പത് പേരെ കൊലപ്പെടുത്തിയത്.
സംഭവത്തില് പോലീസ് അന്വേഷണം തുടങ്ങി. കേന്ദ്ര സര്ക്കാരിന്റെ പുതിയ കാര്ഷിക നയത്തിനെതിരേ ഡല്ഹിടെ അതിര്ത്തി പ്രദേശമായ തിക്രിയില് കഴിഞ്ഞ 11 മാസമായി കര്ഷക സമരം തുടരുകയാണ്.