![](https://breakingkerala.com/wp-content/uploads/2022/09/kalady-acharya-sabha.jpg)
കാലടി: കാലടിയിൽ ഹിന്ദു ആചാര്യ സഭ ആസ്ഥാനത്തിന് നേരെ ബോംബേറ്. ഇന്ന് പുലർച്ചെയായിരുന്നു സംഭവം. ബോംബ് എറിഞ്ഞതിന് പിന്നാലെ അക്രമികൾ സ്ഥലത്ത് നിന്ന് രക്ഷപെട്ടു.പോലീസ് സംഭവ സ്ഥലത്തെത്തി പരിശോധന നടത്തി.
അക്രമികളെ കുറിച്ച് വിവരം ലഭിച്ചിട്ടില്ല. പ്രദേശത്തെ സിസിടിവി ദൃശ്യങ്ങൾ അടക്കം കേന്ദ്രീകരിച്ചാണ് പരിശോധന. പ്രതികൾക്കായുള്ള അന്വേഷണം പുരോഗമിക്കുകയാണെന്നും പോലീസ് പറഞ്ഞു.
കൊച്ചി നഗരത്തില് കുറ്റകൃത്യങ്ങള് വര്ധിക്കുന്ന സാഹചര്യത്തില് പൊലീസിന്റെ മിന്നല് പരിശോധന. പരിശോധനയില് ഏഴ് എന്ഡിപിഎസ് കേസുകള് പൊലീസ് രജിസ്റ്റര് ചെയ്തു.
നഗരത്തില് കഴിഞ്ഞ ഒന്നരമാസത്തിനിടെ ഏഴ് പേര് കൊല്ലപ്പെട്ടിരുന്നു. കുറ്റകൃത്യങ്ങളുടെ എണ്ണത്തിലും വന് വര്ധനവാണ് ഉണ്ടായത്. ഈ സാഹചര്യത്തിലാണ് പൊലീസ് സ്പെഷ്യല് ഡ്രൈവ് ആരംഭിച്ചത്. സിറ്റി പൊലീസ് കമ്മീഷണറുടെ നിര്ദ്ദേശത്തെ തുടര്ന്നാണ് നഗരത്തിലെ വിവിധ സബ് ഡിവിഷനുകള് കേന്ദ്രീകരിച്ച് പരിശോധന നടത്തിയത്.
പരിശോധനയ്ക്കിടെ ഏഴ് എന്ഡിപിഎസ് കേസുകളും പൊലീസ് രജിസ്റ്റര് ചെയ്തു. ഇവരില് നിന്നും എംഡിഎംഎ അടക്കമുള്ള ലഹരിവസ്തുക്കളും പൊലീസ് പിടിച്ചെടുത്തു. തുടര്നടപടികളുടെ ഭാഗമായി ഇന്ന് രാവിലെ മുതല് കൊച്ചിയിലെ ലോഡ്ജുകളിലും പൊലീസ് പരിശോധന ആരംഭിച്ചു. വരും ദിവസങ്ങളിലും രാത്രികളില് പരിശോധന ശക്തമാക്കാനാണ് പൊലീസിന്റെ തീരുമാനം. പൊലീസിന്റെ പ്രത്യേകസംഘം രൂപികരിച്ചും മഫ്തിയിലും പരിശോധന നടത്തി ക്രിമിനല് കുറ്റങ്ങള് തടയുക എന്ന രീതിയിലാണ് പദ്ധതി ആസൂത്രണം ചെയ്തത്.