ലണ്ടന്‍: യുകെ നോട്ടിസിലെ ഒരു ചെറിയ ഡെര്‍ബിഷയര്‍ ഗ്രാമത്തില്‍ വളര്‍ന്ന പെണ്‍കുട്ടി. കണ്ണില്‍ പൂത്തിരി കത്തുന്ന സ്വപ്നങ്ങളും മനസ്സില്‍ നിറയെ ആഗ്രഹങ്ങളും നിറച്ച് ഓടിനടന്ന കൗമാരം. ടി വി റിയാലിറ്റി ഷോകളിലൂടെ പ്രശസ്തയാകണമെന്നായിരുന്നു ആ പ്രായത്തിലുള്ള മറ്റേതൊരു കുട്ടിയേയും പോലെ അവളും ആഗ്രഹിച്ചത്. അവള്‍ അഗ്രഹിച്ച പ്രശസ്തിയേലേക്ക് അവള്‍ എത്തിച്ചേര്‍ന്നു.
പക്ഷെ ഏതെങ്കിലും വിധത്തിലുള്ള കലാ നൈപുണ്യം കൊണ്ടോ മറ്റേതെങ്കിലും കഴിവുകള്‍ കൊണ്ടോ ആയിരുന്നില്ല എന്ന് മാത്രം. അതിന് അവളെ സഹായിച്ചത് അവളുടെ ശരീരവും, പ്രശസ്തിക്കായി എന്തും ചെയ്യാനുള്ള ധൈര്യവുമായിരുന്നു എന്ന് മാത്രം.
ടിയ ബില്ലിംഗര്‍ എന്ന ആ കൗമാരക്കാരി ഇന്ന് നിരവധി ചെറുപ്പക്കാരുടെ ഉറക്കം കെടുത്തുന്ന ബോണി ബ്ലൂ എന്ന അഡള്‍ട്ട് കണ്‍ടെന്റ് ക്രിയേറ്റര്‍ ആയ കഥയാണിത്. ഓണ്‍ലി ഫാന്‍സ് ഓണ്‍ലൈന്‍ ചാനലുകളിലൂടെ അനേകം ചെറുപ്പക്കാരെ ത്രസിപ്പിച്ച ഈ സുന്ദരി ഇപ്പോള്‍ മാധ്യമങ്ങളുടെ തലക്കെട്ടില്‍ ഇടംപിടിച്ചത് തികച്ചും അസാധാരണമായ ഒരു ഓഫര്‍ നല്‍കിക്കൊണ്ടാണ്. കൗമാരക്കാരായ കുട്ടികള്‍ക്ക് തന്റെ ശരീരം തികച്ചും സൗജന്യമായി നല്‍കുമെന്നതാണ് ആ വാഗ്ദാനം.
സെപ്റ്റംബറില്‍ നോട്ടിംഗ്ഹാം ട്രെന്റ് യൂണിവേഴ്സിറ്റിയുടെ ‘ഫ്രെഷേഴ്സ് ഫോര്‍ട്ട്‌നൈറ്റ്’ നടക്കുമ്പോള്‍ 158 വിദ്യാര്‍ത്ഥികളുമായി കിടക്ക പങ്കിട്ടുകൊണ്ട് വാര്‍ത്തകള്‍ സൃഷ്ടിച്ച അതേ ബോണി ബ്ലൂ തന്നെയാണിത്. ‘സേവിംഗ് ഗ്രേസ്’ എന്ന തന്റെ അനുഭവങ്ങള്‍ പങ്കുവയ്ക്കുന്ന പോഡ്കാസ്റ്റ് സംപ്രേക്ഷണം ചെയ്യുന്നതിനിടയില്‍ പക്ഷെ ഇടക്ക് ഡിപ്പാര്‍ട്ട്‌മെന്റ് ഓഫ് വര്‍ക്ക് ആന്‍ഡ് പെന്‍ഷന്‍സിന്റെ പെന്‍ഷനുകളുമായി ബന്ധപ്പെട്ട ഒരു പരസ്യം അതിനെ തടസ്സപ്പെടുത്തുകയായിരുന്നു.
ഇത് പോഡ്കാസ്റ്റ് ചെയ്ത അകാസ്റ്റ് പോഡ്കാസ്റ്റ് കമ്പനിയുടെ പെയ്ഡ് പാര്‍ട്ട്ണര്‍ ആയിരുന്ന പെന്‍ഷന്‍ ഡിപ്പാര്‍ട്ട്‌മെന്റ് പിന്നീട് പരസ്യം നീക്കം ചെയ്യുകയായിരുന്നു. ബോണി ബ്ലൂമിന്റെ പ്രവര്‍ത്തനങ്ങളെ തങ്ങള്‍ പിന്താങ്ങുന്നില്ലെന്നും, ഒരു വാര്‍ത്ത അറിയിക്കുക മാത്രമായിരുന്നു എന്നും പോഡ്കാസ്റ്റ് കമ്പനി വക്താവ് പിന്നീട് പറഞ്ഞു.
ഡെര്‍ബിഷയറിലെ ആ പഴയ ഗ്രാമീണ പെണ്‍കുട്ടിയുടെ ആഗ്രഹങ്ങള്‍ ഇതുകൊണ്ടും അവസാനിക്കുന്നില്ല. ഏറ്റവുമധികം പുരുഷന്മാരുമായി 24 മണിക്കൂറില്‍ ലൈംഗിക ബന്ധത്തില്‍ ഏര്‍പ്പെട്ട് ഗിന്നസ് ബുക്കില്‍ ഇടം നേടണമെന്നതാണ് ഇപ്പോള്‍ ഇവരുടെ ആഗ്രഹം. നിലവില്‍ അമേരിക്കന്‍ വനിതയായ ലിസ സ്പാര്‍ക്ക്സിന്റെ പേരിലാണ് ഈ റെക്കോര്‍ഡ്. ഒരു ദിവസം അവര്‍ 919 പുരുഷന്മാരുമായി ലൈംഗിക ബന്ധത്തില്‍ ഏര്‍പ്പെട്ടാണ് ഇത് നേടിയതെങ്കില്‍, ഒരു ദിവസത്തിനുള്ളില്‍ 1000 പുരുഷന്മാരെ പ്രാപിക്കുവാനാണ് ബ്ലൂ ലക്ഷ്യമിടുന്നത്.
ഒരു യാഥാസ്ഥിക സമൂഹത്തിനെ അസ്വസ്ഥമാക്കുംവിധം, ഒരുതരം ക്രൂരമായ ഉദാസീനതയോടെ അവര്‍ പറഞ്ഞത്, അത് നടന്നു കഴിഞ്ഞാല്‍ തനിക്ക് ധാരാളം വേദന സംഹാരികളും ചൂടുള്ള വെള്ളവും ആവശ്യമായി വരും എന്നാണ്. ആയിരം എന്ന ലക്ഷ്യം കണ്ടെത്താന്‍, മണിക്കൂറില്‍ 47 പുരുഷന്മാരുമായി അവര്‍ ബന്ധപ്പെടേണ്ടതായി വരും. മാത്രമല്ല, അത്രയും പുരുഷന്മാര്‍ തങ്ങളുടെ ഭാര്യമാരെ വഞ്ചിക്കണമെന്നും അവര്‍ ആഗ്രഹിക്കുന്നു.
അതുകൊണ്ടു തന്നെ ഇവരുടെ വാക്കുകളും പ്രവൃത്തികളും ഏറെ വിവാദങ്ങളും സൃഷ്ടിക്കുന്നുണ്ട്. അടുത്ത കാലത്ത് ആസ്‌ട്രേലിയയിലെ ഗോള്‍ഡ് കോസ്റ്റില്‍, സ്‌കൂള്‍ ഒഴിവുകാലം ആസ്വദിക്കാന്‍ എത്തിയ 18 കാരായ വിദ്യാര്‍ത്ഥികള്‍ക്ക് തന്റെ ശരീരം അവര്‍ നല്‍കിയത് ഏറെ വിവാദമായിരുന്നു. തുടര്‍ന്ന്, അവരുടെ 12 മാസക്കാലത്തെ സന്ദര്‍ശന വിസ റദ്ദാക്കണമെന്ന ആവശ്യവുമായി എത്തിയ ഓണ്‍ലൈന്‍ പരാതിയില്‍ ഇതുവരെ 20,000 പേരാണ് ഒപ്പിട്ടിട്ടുള്ളത്.
കാലഹരണപ്പെട്ട ലൈംഗിക തൊഴിലാളി എന്ന് അവരെ പരാമര്‍ശിക്കുന്നവര്‍ക്കുള്ള ഉത്തരമായി അവര്‍ പറഞ്ഞത്, തന്റെ കിടക്ക വിട്ടെഴുന്നേല്‍ക്കാതെ തന്നെ ഒരു മാസം 7.5 ലക്ഷം പൗണ്ട് വരെ താന്‍ സമ്പാദിക്കുന്നുണ്ട് എന്നാണ്. കൗമാരക്കാരെ പ്രധാനമായും ലക്ഷ്യം വയ്ക്കുന്ന ബോണി ബ്ലീ ഇന്ന് പലയിടങ്ങളിലും ഉള്ള, കൗമാരക്കാരുടെ അമ്മമാരുടെ നെഞ്ചില്‍ തീ കോരിയിടുമ്പോള്‍, ബ്ലൂവിന്റെ സ്വന്തം അമ്മ, മകളുടെ പ്രവര്‍ത്തനങ്ങള്‍ക്ക് പിന്തുണയേകി കൂടെത്തന്നെയുണ്ട്. വൃത്തികേടായ കിടക്കവിരികള്‍ മാറ്റുന്നതും, കൗമാരക്കാരായ കക്ഷികള്‍ക്ക് കോണ്ടം നല്‍കുന്നതുമെല്ലാം ഹെയര്‍ ഡ്രസ്സര്‍ കൂടിയായ 50 വയസ്സുകാരി അമ്മ സാറാ ബില്ലിംഗറാണ്.
