തിരുവനന്തപുരം : ബിവറേജില് മദ്യം വാങ്ങാനെത്തുന്നവര് ശ്രദ്ധിക്കേണ്ട കാര്യങ്ങള് ഉള്പ്പെടുത്തി സര്ക്കുലര് ഇറക്കി ബിവറേജസ് കോര്പറേഷന്. തിരക്കുള്ള സമയങ്ങള് ഒഴിവാക്കി തിരക്കു കുറഞ്ഞ സമയങ്ങളില് മദ്യം വാങ്ങണമെന്നും മദ്യം വാങ്ങി കഴിഞ്ഞും അതിനു മുമ്പും കൂട്ടംകൂടി നില്ക്കുന്നത് ഒഴിവാക്കണമെന്ന് സര്ക്കുലറില് പറയുന്നു. കോവിഡ് ബാധയുടെ പശ്ചാത്തലത്തിലാണ് നിര്ദേശങ്ങള് പുറത്തിറക്കിയത്.
മദ്യം വാങ്ങാനെത്തുന്നവര് തൂവാലയോ മാസ്കോ ധരിച്ച് വേണം വരാന്. മാത്രവുമല്ല പനി, ചുമ, ജലദോഷം എന്നീ രോഗ ലക്ഷണങ്ങളുള്ളവര് മദ്യശാലയിലേക്ക് വരാതിരിക്കാന് ശ്രദ്ധിക്കണമെന്നും ഉപഭോക്താക്കള് കാണുന്ന രീതിയില് എല്ലാ ഷോപ്പുകളിലും നിര്ദേശങ്ങള് പ്രദര്ശിപ്പിക്കണമെന്നും സര്ക്കുലറില് പറയുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News