ന്യൂഡല്‍ഹി: ഡല്‍ഹിയില്‍ പോലീസിനെ ആക്രമിച്ച് ഗുണ്ടാ നേതാവിനെ കസ്റ്റഡിയില്‍ നിന്ന് മോചിപ്പിച്ചു. കുല്‍ദീപ് മന്‍ എന്ന ഗുണ്ടാ തലവനാണ് രക്ഷപ്പെട്ടത്. ഇന്ന് ഉച്ചയ്ക്ക് 1.30യോടെയാണ് സംഭവം. തോക്ക് ഉപയോഗിച്ചായിരുന്നു ആക്രമണം.
ഗുണ്ടാ തലവനെ വൈദ്യ പരിശോധനയ്ക്കായി ജിടിബി ആശുപത്രിയില്‍ എത്തിച്ചപ്പോഴാണ് സംഭവം. ഗുണ്ടാ സംഘത്തിലെ ഒരാളെ പോലീസ് വെടിവച്ച് കൊലപ്പെടുത്തി. ഒരാള്‍ക്ക് ഗുരുതരമായി പരുക്കേറ്റു.
ആയുധ കടത്ത്, അക്രമം എന്നിവ ആരോപിച്ചായിരുന്നു കുല്‍ദീപിന്റെ അറസ്റ്റ്. എട്ടോളം പേര്‍ അക്രമി സംഘത്തിലുണ്ടായിരുന്നു. പോലീസ് ജീപ്പിനെ വളഞ്ഞ് വാഹനം നിര്‍ത്തിയിട്ടായിരുന്നു ആക്രമണം. ഇതിനിടെ ഗുണ്ടാ നേതാവ് അക്രമികളുടെ വാഹനത്തില്‍ കയറുകയായിരുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
