മലപ്പുറം: താനൂരില് യുവാവിനെ കൊലപ്പെടുത്തിയ കേസില് മുഖ്യപ്രതി പിടിയില്. പാലക്കാട് കുമരംപുത്തൂര് സ്വദേശി ദിനൂപ് ആണ് പിടിയിലായത്. ബേപ്പൂര് സ്വദേശി വൈശാഖിനെ കൊലപ്പെടുത്തിയ കേസിലാണ് ഇയാളെ അറസ്റ്റ് ചെയ്തത്.
കഴിഞ്ഞ വ്യാഴാഴ്ചയാണ് താനൂരിലെ സ്വകാര്യ തീയറ്ററിന് സമീപമുള്ള കുളത്തില് വൈശാഖിനെ മരിച്ച നിലയില് കണ്ടെത്തിയത്. തലേന്ന് രാത്രി വൈശാഖും സുഹൃത്തുക്കളും ഒന്നിച്ചിരുന്നു മദ്യപിച്ചിരുന്നു. തുടര്ന്നുണ്ടായ വാക്കു തര്ക്കം കൊലപാതകത്തില് കലാശിക്കുകയായിരുന്നു. തലയ്ക്കേറ്റ ഗുരുതര പരിക്കാണ് മരണകാരണമായത്.