കോഴിക്കോട്: കോഴിക്കോട് ജില്ലയിലെ കണ്ടെയിന്മെന്റ് സോണുകളില് നിരോധനാജ്ഞ. കൊവിഡ് നിയന്ത്രണ മാര്ഗനിര്ദേശങ്ങള് പാലിക്കുന്നതില് വീഴ്ച വരുത്തുന്നത് ശ്രദ്ധയില് പെട്ടതോടെയാണ് ജില്ലാ കലക്ടര് 144 പ്രഖ്യാപിച്ചത്.
കണ്ടെയിന്മെന്റ് സോണുകളില് പൊതു, സ്വകാര്യ ഇടങ്ങളിലുള്ള കൂടിച്ചേരലുകള് പൂര്ണമായി നിരോധിച്ചു. തൊഴില്, അവശ്യ സേവന ആവശ്യങ്ങള്ക്കു മാത്രം ഇളവുണ്ടാകും.
കണ്ടെയിന്മെന്റ് സോണുകളിലെ ആരാധനാലയങ്ങളില് അനുഷ്ഠാനങ്ങളും ചടങ്ങുകളും മാത്രമേ നടത്താന് പാടുള്ളൂ. ഇതില് അഞ്ചില് കൂടുതല് പേര് പങ്കെടുക്കരുത്. നിയന്ത്രണങ്ങള് പാലിക്കാത്തവര്ക്കെതിരേ കര്ശന ശിക്ഷാനടപടികള് സ്വീകരിക്കാന് കലക്ടര് പോലീസ് മേധാവികള്ക്ക് നിര്ദേശം നല്കിയിട്ടുണ്ട്.
രോഗവ്യാപനം വിശകലനം ചെയ്ത് ഓരോ ദിവസവും പ്രഖ്യാപിക്കുന്ന കണ്ടെയ്ന്മെന്റ് സോണുകളുടെ വിവരം കാെവിഡ് ജാഗ്രത പോര്ട്ടലില് ലഭ്യമാണ്. പ്രതിദിനം ആയിരത്തിലധികം പേര്ക്കാണ് ജില്ലയില് വൈറസ് ബാധ സ്ഥിരീകരിക്കുന്നത്.