കുത്തേറ്റെന്ന് 108 ലേക്ക് ഫോൺ , ആംബുലൻസ് സ്ഥലത്തെത്തിയപ്പോൾ കണ്ടത് ഫോൺ വിളിച്ചയാൾ മദ്യപിച്ച് വീട്ടിൽ ഇരിക്കുന്നത്,അവശ്യ സർവീസിനെ തെറ്റിദ്ധരിപ്പിച്ചയാൾ ഒടുവിൽ അറസ്റ്റിൽ

കൊല്ലം: 108 ആംബുലൻസ് കൺട്റോൾ റൂമിലേക്ക് തനിക്ക് കുത്തേറ്റു എന്ന വ്യാജ സന്ദേശം നൽകിയ ആളെ കൊല്ലം പരവൂർ പോലീസ് പിടികൂടി. പരവൂർ നെടുങ്ങോലം വടക്കേമുക്ക് സ്വദേശി കൃഷ്ണകുമാർ ആണ് പിടിയിലായത്. കണ്ട്രോൾ റൂമിലേക്ക് കാൾ വന്ന ഉടനെ 108 ആംബുലൻസും പോലീസും സ്ഥലത്തെത്തിയിരുന്നു. എന്നാൽ മദ്യലഹരിയിൽ വീട്ടിൽ ഇരിക്കുന്നത് ആണ് പോലീസ് കണ്ടത്. 108 ആംബുലൻസ് ജീവനക്കാരുടെ പരാതിയിൽ അവശ്യ സർവീസ് ദുരയുപയോഗം ചെയ്യുക, വ്യാജ അപകട സന്ദേശം നൽകുക എന്നിങ്ങനെ വകുപ്പുകൾ പ്രകാരമാണ് കേസ് എടുത്തിരിക്കുന്നത്