പത്തനംതിട്ട റാന്നി ചെറു കുളഞ്ഞിയിൽ നിന്ന് 10 വയസ്സുകാരിയെ കാണാതായി.കുട്ടിയെ കാണാതായത് ഇന്ന് രാവിലെ 9 മണിയോടെ.കാണാതാവുമ്പോൾ വീട്ടിൽ മുത്തശ്ശി മാത്രമാണ് ഉണ്ടായിരുന്നത്.കാണാതാകുമ്പോൾ ആഷ് കളർ പ്രിന്റഡ് ഷോർട്സും, ടീഷർട്ടും ധരിച്ചിരുന്നു. വെളുത്ത നിറമാണ്, കണ്ണാടി ധരിച്ചിരിക്കുന്നു, നാലടിയോളം ഉയരമുണ്ട്.
കണ്ടുകിട്ടുന്നവർ താഴെ പറയുന്ന ഫോൺ നമ്പരുകളിൽ അറിയിക്കുക. റാന്നി ഡി വൈ എസ് പി 9497908512,റാന്നി പോലീസ് ഇൻസ്‌പെക്ടർ 9497987055,റാന്നി പോലീസ് സ്റ്റേഷൻ 04735227626ജില്ലാ പൊലീസ് മേധാവി നേരിട്ടാണ് കുട്ടിയെ കാണാതായ വിവരത്തിൽ മാധ്യമങ്ങളുടെയും പൊതുജനങ്ങളുടെയും സഹായം അഭ്യര്‍ത്ഥിച്ചത്. ഔദ്യോഗിക വാര്‍ത്താ കുറിപ്പും പൊലീസ് പുറത്തിറക്കി.
രാവിലെ കാണാതായ ഉടൻ തന്നെ പൊലീസിന് വിവരം ലഭിച്ചിരുന്നു. പിന്നാലെ വീടിനും സമീപ പ്രദേശങ്ങളിലും പൊലീസ് തിരച്ചിൽ തുടങ്ങിയിരുന്നു. എന്നാൽ വിവരങ്ങളൊന്നും ലഭിച്ചില്ല. ജനപ്രതിനിധികളും നാട്ടുകാരും തിരച്ചിൽ നടത്തുന്നുണ്ട്.സംഭവ സമയത്ത് മുത്തശി മാത്രമാണ് വീട്ടിലുണ്ടായിരുന്നത്. കുട്ടിയുടെ മാതാപിതാക്കൾ ജില്ലയ്ക്ക് പുറത്ത് പോയ സമയത്തായിരുന്നു സംഭവം നടന്നത്.
രാവിലെ കുട്ടിക്ക് ഭക്ഷണം കൊടുത്ത ശേഷം മുത്തശി അടുക്കളയിലേക്ക് പോയിരുന്നു. പിന്നീട് തിരിച്ചെത്തിയപ്പോൾ മുറിയിൽ കുട്ടിയെ കണ്ടില്ലെന്നാണ് മൊഴി. പിന്നാലെ വീടിന് പരിസരത്ത് തിരച്ചിൽ നടത്തിയെങ്കിലും കുട്ടിയെ കണ്ടെത്താനായില്ല. ഇതോടെയാണ് വിവരം പൊലീസിൽ അറിയിച്ചത്.
