ബിഞ്ചോര്‍: വിവാഹം കഴിഞ്ഞ് മൂന്ന് വര്‍ഷമായിട്ടും കുട്ടികളുണ്ടാകാത്തതിന്റെ പേരില്‍ ഭര്‍ത്താവും ബന്ധുക്കളും ചേര്‍ന്ന് യുവതിയെ കൊലപ്പെടുത്തി. യുവതിയെ സ്ത്രീധനത്തിന്റെ പേരിലും നിരന്തരം പീഡിപ്പിച്ചിരുന്നതായാണ് റിപ്പോര്‍ട്ട്. ഉത്തര്‍പ്രദേശിലെ ബിഞ്ചോരിലുള്ള മുകാപുരി ഗ്രാമത്തിലാണ് സംഭവം.
പ്രീതി എന്ന 27 കരിയാണ് അതിദാരുമാനായി കൊല്ലപ്പെട്ടത്. മൂന്ന് വര്‍ഷം മുമ്പാണ് പ്രീതി രോഹിത് കുമാര്‍ എന്നയാളെ വിവാഹം ചെയ്തത്. വിവാഹം നടക്കുമ്പോള്‍ പ്രീതിയുടെ പിതാവ് രോഹിത്തിന് സ്ത്രീധനം നല്‍കിയിരുന്നു. എന്നാല്‍ കൂടുതല്‍ സ്ത്രീധനം ആവശ്യപ്പെട്ട് പ്രതീയേയും കുടുംബത്തേയും ഭര്‍ത്താവും ബന്ധുക്കളും ചേര്‍ന്ന് നിരന്തരം പീഡിപ്പിച്ചിരുന്നു.
തിങ്കളാഴ്ച്ചയാണ് പ്രീതി കൊല്ലപ്പെട്ടത്. മകളുടെ മരണം കൊലപാതകമാണെന്ന ആരോപണവുമായി പ്രീതിയുടെ പിതാവ് അന്ന് തന്നെ രംഗത്തെത്തിയിരുന്നു. മകള്‍ മരിച്ചെന്ന് അറിഞ്ഞ് രോഹിത്തിന്റെ വീട്ടിലെത്തിയപ്പോള്‍ കഴുത്തില്‍ തുണി കുരുക്കിയ നിലയില്‍ കിടപ്പറയിലെ കട്ടിലില്‍ മൃതദേഹം കിടക്കുന്നതായാണ് കണ്ടത്. തുണിയുടെ ഒരു അറ്റം ഫാനില്‍ കെട്ടിയ നിലയിലായിരുന്നു. തുടര്‍ന്ന് യുവതിയുടെ കുടുംബത്തിന്റെ പരാതിയുടെ അടിസ്ഥാനത്തില്‍ പോലീസ് നടത്തിയ അന്വേഷണത്തിലാണ് സംഭവം കൊലപാതകമെന്ന് തെളിഞ്ഞത്.
