കോട്ടയം:ഏറ്റുമാനൂർ നിയമസഭാ സീറ്റ് പി.ജെ ജോസഫ് വിഭാഗത്തിന് നൽകാനുള്ള നീക്കത്തിൽ പ്രതിഷേധവുമായി യൂത്ത് കോൺഗ്രസ്.യൂത്ത് കോൺഗ്രസ് ഏറ്റുമാനൂർ ബ്ളോക്ക് കമ്മിറ്റിയുടെ നേതൃത്വത്തിൽ ഡി.സി.സി ഓഫിസിലേയ്ക്ക് പ്രതിഷേധ പ്രകടനം നടത്തി. പ്രകടനം നടത്തിയ പ്രവർത്തകർ ഡി സി സി ഓഫിസിന്റെ കവാടത്തിൽ കുത്തിയിരുന്ന് പ്രതിഷേധിക്കുകയാണ്.
ഏറ്റുമാനൂർ നിയോജകമണ്ഡലത്തിലെ സ്ഥാനാർത്ഥിത്വത്തെച്ചൊല്ലി യു.ഡി.എഫിൽ തർക്കം തുടരുന്നതിനിടെയാണ് പ്രതിഷേധം. കഴിഞ്ഞ രണ്ട് തവണയാണ് കേരള കോൺഗ്രസ് മാണി വിഭാഗം ഏറ്റുമാനൂർ സീറ്റിൽ മത്സരിച്ച് പരാജയപ്പെട്ടത്. ഈ സാഹചര്യത്തിൽ സീറ്റ് കോൺഗ്രസ് ഏറ്റെടുക്കണമെന്നാണ് കോൺഗ്രസ് പ്രവർത്തകരുടെ ആവശ്യം.
ജില്ലാ പഞ്ചായത്ത് അതിരമ്പുഴ ഡിവിഷനിൽ വിജയിച്ചത് കേരള കോൺഗ്രസ് ആണെന്നും , അത് കൊണ്ട് തങ്ങൾക്ക് തന്നെ സീറ്റ് വിട്ടു നൽകണമെന്നും ജോസഫ് വിഭാഗം ആവശ്യപ്പെടുന്നു.ഈ സാഹചര്യത്തിലാണ് ജോസഫ് വിഭാഗത്തിന് സീറ്റ് വിട്ട് നൽകാൻ യു.ഡി.എഫിൽ ധാരണയായത്
പ്രതിഷേധത്തിടെ മാധ്യമ പ്രവർത്തകരെ യൂത്ത് കോൺഗ്രസ് പ്രവർത്തകർ ആക്രമിച്ചു.
പ്രവർത്തകരും മാധ്യമ പ്രവർത്തകരുമായി സംഘർഷം.അക്രമത്തിന് നേതൃത്വം നൽകിയരണ്ട് കോൺഗ്രസ് പ്രവർത്തകരെ പൊലീസ് കസ്റ്റഡിയിലെടുത്തു.
