ചേര്ത്തല: പട്ടണക്കാട് പിറന്നാള് ആഘോഷത്തിനിടെ ഉണ്ടായ തര്ക്കത്തിനൊടുവില് യുവാവ് കുത്തേറ്റ് മരിച്ചു. പട്ടണക്കാട് പഞ്ചായത്ത് രണ്ടാം വാര്ഡില് പാറയില് പടിഞ്ഞാറേ അടിയാട്ട് നികര്ത്തില് വിക്രമന്റെയും പ്രമീളയുടെയും
ഏകമകന് വിശ്വാസ് (വിച്ചു 26) ആണ് മരിച്ചത്.
ഇന്നലെ രാത്രി 9 മണിയോടെയാണ് സംഭവം. പാറയില് ഭാഗത്ത് പിറന്നാള് ആഘോഷ ചടങ്ങിനിടെയുണ്ടായ തര്ക്കമാണ് കത്തിക്കുത്തിലും കൊലപാതകത്തിലും കലാശിച്ചത്. പട്ടണക്കാട് പാറയിലുള്ള സുഹൃത്തിന്റെ കുട്ടിയുടെ പിറന്നാള് ആഘോഷത്തിന് പങ്കെടുക്കാനെത്തിയതായിരുന്നു വിശ്വാസ്. വയറ്റില് ആഴത്തിലുള്ള കുത്തേറ്റ് ആന്തരാവയവങ്ങള്ക്കുണ്ടായ പരുക്കാണ് മരണത്തിനു കാരണമെന്ന് പോലീസ് പറഞ്ഞു.
ഗുരുതരമായി പരിക്കേറ്റ വിച്ചുവിനെ എറണാകുളം ലേക്ഷോര് ആശുപത്രിയിലെത്തിച്ചെങ്കിലും രക്ഷിക്കാനായില്ല. മരിച്ച വിശ്വാസ് ട്രാവലര് ഡ്രൈവറാണ്. സംഭവത്തില് കോതകുളങ്ങര കാണാപറമ്പ് വീട്ടില് വിഷ്ണുവിനെ (കടിയന് വിഷ്ണു) പട്ടണക്കാട് പോലീസ് അറസ്റ്റ് ചെയ്തു. നിരവധി കേസുകളില് പ്രതിയാണ് പിടിയിലായ വിഷ്ണു. സംഭവം നടന്ന സ്ഥലത്ത് പട്ടണക്കാട് പോലീസ് പരിശോധന നടത്തി കുത്താന് ഉപയോഗിച്ച കത്തി കണ്ടെടുത്തു.